Daryn.online Prometheus School jekemenshik mektebiniń 10% úlesin alady

Daryn.online – Qazaqstan boıynsha oqýshylar men muǵalimder arasynda 3,6 mln astam qoldanýshysy bar onlaın bilim berý naryǵyndaǵy jetekshi kompanııalardyń biri. Negizgi baǵyty birqatar onlaın platformalardy damytý jáne engizý, VR/AR ónimderi men oıyndaryn ázirleý, 0-17 jastaǵy balalar men jasóspirimderge arnalǵan oqytý kontentin daıarlaý. Sonymen qatar, búldirshinderge arnalǵan ertegi kitaptar, mýltfılmder, oıynshyqtar men mobıldi qosymshalar jasap, usynady.

Prometheus School – Qazaqstandaǵy iri jekemenshik mektepter jelisiniń negizin qalaýshy Qaýpynbaev Daýren Týlenuly men EPG Education adam kapıtalyn damytý qorynyń birlesken bilim berý jobasy. 856 oqýshyǵa arnalǵan mektep Almaty qalasynda ornalasqan. Atalǵan mekteptiń baǵyty orta bilim berýdiń úzdik zamanaýı ádistemelerin engizýge, tulǵany jan-jaqty damytý men kóshbasshylardy qalyptastyrýǵa negizdelgen.

Daryn.online platformasy men Prometheus school arasyndaǵy seriktestiktiń maqsaty – Prometheus School usynatyn ınnovasııalyq ádistemeler men dástúrli bilim berýdegi tájirıbeni mekteptiń bilikti ustazdarynyń belsendi qatysýy arqyly Daryn.online ónimderine utymdy paıdalaný. Bul degenimiz Daryn.online arqyly bilim alatyn shalǵaıdaǵy oqýshylardyń ınnovasııalyq, zamanaýı bilim kóshinen keıin qalyp qoımaýyna úlken múmkindik.

«Daryn.online men Prometheus School birlesip, gıbrıdtik mektep jasaý oıyn júzege asyrǵaly otyr. Osy maqsatta biz onlaın bilim berýge úles qosqan bilikti pedagogtardyń tájirıbesin negizge ala otyryp, elimizdegi bilim salasyn jańa deńgeıge kóterýge úles qossaq deımiz. Daryn.online Bugin Holding-tiń negizgi jobalarynyń biri. Al Bugin Holding-tiń maqsaty – bolashaqta qoljetimdi mektepter ashý. Osy jolda biz Prometheus School mektebimen birge budan da mol tájirıbe jınaıtynymyzǵa senimdimiz, – deıdi Daryn.online negizin qalaýshy Aıbek Qýatbaı.