• USD 472.17

  • EUR 495.5

  • RUB 7.57

  • CNY 67.74

09 Jeltoqsan, 11:11:36
Almaty
-8°

2022 jylǵy 1 maýsymdaǵy jaǵdaı boıynsha Qazaqstandaǵy halyq sany 19 mıllıon 222,6 myń adamǵa jetti. Bul týraly statıstıka bıýrosy málim etti.

Qalalyqtardyń úlesi –11 mln 460,5 myń (59,6%), aýyldyqtar – 7 mln 762,1 myń (40,4%). 2021 jylǵy 1  maýsymmen salystyrǵanda halyq sany 237,8 myń adamǵa nemese 1,23 paıyzǵa ósken.

Statıstıka bıýrosynyń málimetinshe, 2022 jylǵy qańtar-mamyrda respýblıka halqynyń tabıǵı ósimi 2021 jylǵy qańtar-mamyrmen (111,5 myń adam) salystyrǵanda 7,6 paıyzǵa kemip, 103,3 myń adamdy quraǵan.

Qańtar-mamyrda 161,5 myń sábı dúnıege kelgen, bul – byltyrǵy sáıkes kezeńge (175,2 myń adam) qaraǵanda 7,8% az.

Jyl basynan mamyrǵa deıin 58,5 myń adam qaıtys bolǵan. Bul – 2021 jylǵy qańtar-mamyrǵa (63,7 myń adam) qaraǵanda 8,2 paıyzǵa kem.

Esepke alynǵan kezeńde 1384 náreste 1 jasqa deıin shetinegen. 2021 jylǵy tıisti kezeńmen salystyrǵanda kórsetkish (1423 shetinegen náreste) 2,7 paıyzǵa kemigen. 

Kóshi-qon qyzmeti organdary usynǵan málimetterde 2022 jylǵy qańtar-mamyrda elimizge turǵylyqty turýǵa kelgenderdiń sany 6 227 adamdy, elimizden ketkenderdiń sany 9 034 adamdy, kóshi-qon aıyrymy  2 807 adamdy quraǵany aıtylady.

Negizgi kóshi-qon prosesi TMD memleketterimen baılanysty. TMD elderinen kelgender jáne sol elderge ketkender kóship-qonýshylar jalpy sanynyń 85,1% jáne 81% paıyzyna teń.

"Qamshy" silteıdi
Ilmek sózder: halyq sany

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir