• USD 468.56

  • EUR 497.56

  • RUB 7.3

  • CNY 67.18

31 Qańtar, 20:19:55
Almaty
-3°

Qarjy mınıstrligi "Bıýdjet kodeksine" ózgeris engizip,  90-shy jyldary memleket tarapynan kásip ashýǵa berilgen bereshekterdi keshirý máselesin qarastyryp jatyr. Iаǵnı, 30 jyldan astam nesıesin tólemeı júrgen kásiporyn ıeleri tabylmasa, onda onyń qaryzy joıylady, dep habarlady 31 arna.

Bul ózgeris zańdy tulǵalarǵa ǵana baılanysty kúshine enbek. Mundaı nesıelerdiń mólsheri qazir 120 mıllıard teńgeni quraıdy. Bıliktegiler kezinde jergilikti ákimdikter men úkimet qaryz bergen nesıe ıelerin tabý ońaı emes ekenin aıtfly. Sebebi 90-shy jyldary kóp kásiporyndardyń "bıznesti sáıkestendirý nómirleri" joq bolǵan. 

Qarjy mınıstrligi jyl saıyn esep bergende bul bereshekterdiń statıstıkaǵa kedergi keltiretinin atap ótken. Sol sebepten de zańǵa osyndaı ózgeris engizbekshi. Endi "Bıýdjettik kodekste" "О́ndirip alýǵa úmitsiz bereshek" degen uǵym paıda bolmaq. 

"Úkimet jyl saıyn esep bergen kezde osyndaı taptaǵy adamdardyń bershegi tizimde turady. Bundaı derekterdiń bizge ne qajeti bar?" deıdi Qarjy mınıstrligi bıýdjettik kredıtteý departamenti dırektorynyń orynbasary Darhan Bınııazov.

Onyń aıtýynsha, qaıtarylmaǵan bıýdjettik kredıtterdiń ıesin tabý jumysy ádilet mınıstrligi men azamattarǵa arnalǵan úkimet korporasııasymen birigip júzege asyrylyp jatyr. 

Alaıda bundaı usynysqa ekonomıster qarsylyq tanytýda. 

"О́mirde túrli jaıttar bolady. Árıne, nesıeni keshirý kerek. Biraq zańdy tulǵalardyń emes, jetim-jesirler, kóp balaly analar men aýyldaǵy jaǵdaıy kelmegenderge qarastyrǵan jón. Osy másele boıynsha úlken tekseris júrgizý kerek. Sebebi qarjyny bıýdjet emes, bank berýi kerek" dedi ekonomıst Beısenbek Zııabekov.

Ol 90-shy jyldary bılik halyqqa zeınetaqyny ýaqytynda tóleı almaı otyryp, qomaqty qarjyny nesıe retinde berilgenine tań qalatynyn jetkizdi. Osyǵan baılanysty bankter men qarjy salasyndaǵylar ústinen tekseris júrgizý kerek ekenin de qosa ketti. 

"Bıýdjettik kodekske" engiziletin ózgerister qazir qoǵam talqylaýyna shyǵarylǵan. Eki aıdan keıin qujat májiliske usynylmaq.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir