Qaırat Satybaldy "Qazaqtelekom" aksııalaryn memleketke qaıtardy

Qazaqstan qarjy naryǵyndaǵy "Qazaqtelekom" AQ aksıonerleriniń tizimi jańardy. "SKYLINE INVESTMENT COMPANY S.A." jeke kompanııasy 1 shildeden bastap "Qazaqtelekom" AQ aksıonerleriniń tiziminde joq.

Onyń ornyna Qarjy mınıstrligi Memlekettik múlik jáne jekeshelendirý komıteti aksıoner atanǵan. Endi eldiń basty telekommýnıkasııalyq kompanııasynyń aksııalaryn bólý tómendegideı tártippen júzege aspaq:

• "Samuryq-Qazyna» ulttyq ál-aýqat qory" AQ – 45,90%;
• "QR QM Memlekettik múlik jáne jekeshelendirý komıteti" MM – 25,42%;
• The BANK OF NEW YORK Mellon DRS (nomınaldy ustaýshy) – 8,62%.

Osylaısha, "Qazaqtelekom" AQ-tyń 70 paıyzy memleket menshigine ótti.

Aıta keteıik, sáýirde "Qazaqtelekomnyń" 28,8%-y memleket qaıtarylatyny belgili bolǵan edi. Bul kezde Qazaqstan úkimeti sáıkes qaýly qabyldaǵan. Qujatta Qaırat Satybaldynyń "Skyline Investment Company S.A" jeke kompanııasy "Qazaqtelekom" AQ shartty kapıtalynyń 24,95%-na teń 2 671 481 qarapaıym aksııasyn syıǵa tartý sharty boıynsha respýblıka menshigine berý týraly usynysy qabyldansyn" delingen.