Almatyda «TARTYL FEST» respýblıkalyq sport festıvali ótýde

Almatydaǵy Abaı alańynda «TARTYL FEST – 2022» týrnıketinde tartylý boıynsha jarys ótýde. Festıval elimizdiń barlyq óńirlerinde 10 shilde men 6 qyrkúıek aralyǵynda ótedi. Sharany uıymdastyrýshy Qazaqstan Respýblıkasy Prezıdentiniń janyndaǵy «Dara» talanttardy qoldaý qory.

Qazirgi ýaqytta Almatyda 500-den astam áýesqoı-sportshylar tirkelgen. Qatysýshylar salmaǵy men jasyna baılanysty toǵyz sanat boıynsha óner kórsetedi.  Jeńimpazdar 17 shilde kúni keshke festıval aıaqtalǵannan keıin anyqtalady.

Festıval Qonaev qalasynda bastalyp, Taldyqorǵanda jalǵasty. Almaty jarys ótken úshinshi qala boldy. Qazaqstannyń 20 qalasynyń jeńimpazdary (9 sanat boıynsha) 8 qyrkúıekte Nur-Sultan qalasynda ótetin Grand-fınalǵa qatysady. Ár qaladaǵy júlde qory: 1 oryn - 200 000 teńge; 2 oryn - 100 000 teńge; 3 oryn - 50 000 teńge. Grand-fınaldyń júlde qory: 1 oryn - 3 mıllıon teńge; 2 oryn - 2 mıllıon teńge; 3 oryn-1 mıllıon teńge. Grand-Fınal chempıondary Street Workout boıynsha álem chempıonatyna qatysý múmkindigine ıe bolady.