• USD 475.94

  • EUR 483.98

  • RUB 7.94

  • CNY 70.09

19 Tamyz, 19:52:34
Almaty
+22°

Atyraý oblysynyń burynǵy ákimi Bergeı Rysqalıev eks-prezıdent Nursultan Nazarbaevty bopsalaǵanyn teriske shyǵardy. Bul týraly ol Orda.kz basylymyna bergen suhbatynda aıtty. 

– Bul "barlyǵyn bilgish" bolyp kóringisi keletin Bapıdyń (Ermurat Bapı – red.) oıdan shyǵarǵany. Iá, jigitter olardy (Nazarbaev pen aınalasyndaǵylardy – red) serýendep júrgende kórip, vıdeoǵa túsirip alǵan. Sodan keıin olar toqtaǵan úıdiń aldynda shaǵyn mıtıng ótkizip, tarap ketti. Bul Bapı aıtyp otyrǵandaı úlken qorshalǵan kottedj emes, joǵary deńgeıdegi turǵyn úı bolatyn. Eger bopsalaý bolsa, sol kezde meniń "qylmystyq isim" qaralyp, barlyq múlikterim mindetti túrde qaıtarylatyn edi. О́zderińiz biletindeı, Nazarbaev 2019 jyly muny isteı alatyn jaǵdaıda boldy, –  deıdi Bergeı Rysqalıev.

Ulybrıtanııada turyp jatyr eks-ákim Qazaqstanǵa qaıta oralý jóninde de pikir bildirdi.

–  Bul – meniń qolymda turǵan dúnıe emes. Meniń isim saıası beıtarap deńgeıde qaralýy kerek. Sot jańa qaýlylarynda meniń jáne basqa sottalǵandardyń memleketke bir de bir shyǵyn kelmegeni anyq kórsetilgen. Men bul týraly 2022 jylǵy 20 maýsymda Joǵarǵy Sotqa kassasııalyq tártipte qaıta qaraý týraly eki ótinishte jazdym. Jaýabyn kútip júrmin, – deıdi Rysqalıev.

2019 jylǵy qyrkúıekte áleýmettik jelide Nursultan Nazarbaev Londondaǵy Gaıd-parkte serýendep júrgen vıdeo tarap, ony Bergeı Rysqalıev túsirgeni týraly aqparat shyqqan. Budan bólek, jýrnalıst Ermurat Bapı eks-ákim Nazarbaevty bopsalaǵan vıdeo bar ekenin, ony kózimen kórgenin málim etken.

2020 jylǵy 16 maýsymda Joǵarǵy sot Bas prokýratýranyń narazylyǵy boıynsha Atyraý oblysy eks-ákiminiń paıdasyna sheshim shyǵaryp, Rysqalıevke memleket tárkilegen múliktiń bir bóligi qaıtarylǵan. Olardyń qatarynda Atyraý oblysynda ǵana emes, Almaty men Aqtóbede de ornalasqan ártúrli kompanııalardyń jeri, qarajaty, jarǵylyq kapıtalyndaǵy úlesteri bar. Sondaı-aq quzyrly organ aǵaıyndy Rysqalıevterdiń áıelderiniń múlkin tárkileý týraly qaýly kúshin joıdy.

Osydan keıin el ishinde Rysqalıev "Nazarbaevty bopsalaý" arqyly múlkiniń bir bóliginiń qaıtarylýyna qol jetkizdi degen áńgimeler taraǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir