• USD 476.43

  • EUR 479.86

  • RUB 8.07

  • CNY 70

19 Tamyz, 20:17:43
Almaty
+19°

Kásipker Almas Ábdiǵapparov "AV Construction" JShS kompanııasynan qarjy jymqyrdy degen aıyppen 7 jylǵa sottaldy. Bul týraly Almaty qalasy Medeý aýdany №2 aýdandyq sotynyń baspasóz qyzmeti habarlady.  

Sot 2021 jyldyń naýryz aıynda Alas Ábdiǵapparov "AV-Construction" JShS-niń kommersııalyq máseleler jónindegi dırektorynyń orynbasary bolyp qyzmet etken kezde Esentai city turǵyn úı keshenindegi turǵyn úıdi satyp alýǵa kelgen tutynýshymen aldyn ala kelisim jasasqanyn anyqtaǵanyn habarlady. Kelisimshart boıynsha, turǵyn úıdi satyp alýshy Ábdiǵapparovqa 2 mln dollar bergen. Ábdiǵapparov 1 mln dollardy kompanııa basshylyǵyna berip, qalǵan 1 mln dollardy zańsyz túrde ózinde qaldyrǵan. 

Sot kúdikti "AV-Construction" JShS-ge 418 mıllıon 640 myń teńge kóleminde materıaldyq zalal keltirgenin anyqtaǵan. 

Alaıda Almas Ábdiǵapparov óz kinásin moıyndamady. Prokýror sottan Ábdiǵapparovty 7 jylǵa bas bostandyǵynan aıyrýdy, al jábirlenýshi kompanııa ókili sottalýshyny kináli dep tanýdy surady.

"Sot úkimimen Ábdiǵapparov ózine senip tapsyrylǵan múlikti asa iri mólsherde urlaǵany úshin kináli dep tanylyp, oǵan qarjy uıymdarynda basshylyq laýazymdardy atqarý quqyǵynan 5 jyl merzimge aıyra otyryp, 7 jyl bas bostandyǵynan aıyrý jazasy taǵaıyndaldy. Azamattyq tulǵa ókiliniń talap aryzy tolyq kólemde qanaǵattandyryldy. Úkim zańdy kúshine engen joq", delingen habarlamada. 

Buǵan deıin, Almas Ábdiǵapparov Bolat Nazarbaevtyń tapsyrmasyn qamaýda otyrǵanyn aıtyp suhbat bergen. Almas Ábdiǵapparov pen onyń týystary otbasylyq bıznesin "Bolat Nazarbaevtyń adamdary" ıemdenip alǵanyn málimdegen bolatyn. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir