• USD 468.56

  • EUR 497.56

  • RUB 7.3

  • CNY 67.18

28 Naýryz, 23:40:34
Almaty
+35°

Týrızmdi damytýdyń memlekettik baǵdarlamasy sheńberinde Shyǵys Qazaqstan oblysynyń 4 obektisin damytýǵa basym baǵyt berilip otyr. Olardyń ishinde Buqtyrma sý qoımasy, Katonqaraǵaı ulttyq parki, Rıdder qalasy men Glýbokoe aýdanynyń taý shańǵysy klasteri bar. Bul týraly О́ńirlik kommýnıkasııalar qyzmetiniń brıfınginde Oblystyń kásipkerlik jáne ındýstrıaldy-ınnovasııalyq damý basqarmasy basshysynyń orynbasary Marat Qabaqov málimdedi.

Katonqaraǵaı aýdanyndaǵy elimizdiń eń iri ulttyq parki Ekologııalyq jáne aýyldyq týrızmdi damytýdyń úlken perspektıvalaryna ıe, onda jalpy uzyndyǵy 680 km bolatyn 14 týrıstik marshrýt pen soqpaq shoǵyrlanǵan.

 

– Oblys ákiminiń tapsyrmasy boıynsha aýdanda aýyldyq týrızmdi damytý boıynsha jumystar júrgizilýde. Kásipkerler palatasymen birlesip Berel aýylynyń 24 turǵynyna kásipkerlik negizderine oqytý júrgizildi. 18 jeke kásipker tirkeldi, onyń 15-i "Eńbek" baǵdarlamasy boıynsha 583 myń teńgeden grant aldy. 1 joba "BJK – 2025" baǵdarlamasy boıynsha 5 mln teńge grant ıegeri atandy, – dep atap ótti Marat Qabaqov.

 

Budan basqa, "Katonqaraǵaı aýdanynyń turaqty damýy" qoǵamdyq qory árbir kásipkerge 500 myń teńgeden grant berdi.

– Atalǵan qarajatqa kásipkerler aǵymdaǵy jóndeý jumystaryn júrgizdi, jıhazdardy jańartty, atpen serýendeýdi uıymdastyrý úshin jylqy satyp aldy. Aǵymdaǵy jyldyń maýsym aıynan bastap alǵashqy týrısterdi qabyldaý bastaldy, – dedi spıker.

Kásipkerlik jáne ındýstrııalyq-ınnovasııalyq damý basqarmasy basshysynyń orynbasarynyń aıtýynsha, Úlken Naryn aýylynda týrıstik-aqparattyq ortalyq qurý boıynsha joba júzege asyrylýda, ol ózindik týrıstik hab – 10 turaqty jumys ornyn qura otyryp, jergilikti týrıstik ónimder týraly aqparat berý jónindegi servıstik qyzmetke aınalady.

– Jyl basynan beri Katonqaraǵaı aýdanynyń О́rel aýylynda 1,5 mlrd teńge somasyna 150 tósek-orynǵa arnalǵan "Muztaý" týrıstik kesheni ashyldy. О́skemen qalasynda quny 2,5 mlrd teńge bolatyn 200 tósek-orynǵa arnalǵan 3 qonaq úıdiń, quny 900 mln teńge bolatyn Buqtyrma sý qoımasyndaǵy demalys bazasynyń qurylysy aıaqtalýda, – dep túıindedi Marat Qabaqov.

ShQO Aqparat ortalyǵy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir