• USD 476.43

  • EUR 479.86

  • RUB 8.07

  • CNY 70

19 Tamyz, 20:02:39
Almaty
+22°
 
Belgili saıasatker, AQSh-tyń 99 jastaǵy burynǵy memlekettik hatshysy Genrı Kıssındjer Reseı men Ýkraına konflıktiniń yqtımaldy úsh nusqasyn atady. Bul týraly ol The Spectator basylymyna bergen suhbatta aıtqan.
 
Kıssındjerdiń alǵashqy nusqasyna saı, Reseı qazirgi basymdyǵyn saqtasa, Ýkraınanyń 20 paıyz jerin, Donbasstyń basym bóligin basyp alady. Bul – Ýkraına ónerkásip, aýyl sharýashylyǵy damyǵan aımaqtarynan, qarateńiz jaǵalaýynan aıyrylyp qalady degen sóz. Reseı úshin bul – kóptegen sátsizdikterge qaramastan, jeńispen para-par. NATO-nyń róli aıtarlyqtaı bolmaıdy.
 
 

Ekinshi nusqa boıynsha Ýkraına Qyrymdy qosa alǵanda Reseıdi áskerı qımyldar bastalǵanǵa deıingi aýmaqqa deıin shegindirýi múmkin. Olaı bola qalsa, Batys pen Reseı soǵysy máselesi týýy ǵajap emes.

Úshinshi nusqa boıynsha Ýkraına Reseıge tótep berip, front lınııasy 24 aqpanǵa deıingi jaǵdaıǵa oralady. Bul – Reseı úshin jeńilis bolyp sanalady. Ýkraına konflıktke deıingi shekarasyna qaıta oralyp, qarýlanýǵa, NATO-ǵa múshe atana almasa da tyǵyz qarym-qatynas jasaýǵa múmkindik alady.

Kıssındjer búginde Ýkraına bıligi dál osy úshinshi ssenarııdi ustanyp otyr dep sanaıdy.

"Eger soǵys osylaı aıaqtalsa, NATO úshin úlken jetistik bolar edi. Alıans Fılnıandııa men Shvesııanyń esebinen kúsheıip, Baltyq elderin tıimdi qorǵaý múmkindigine ıe bolady. Ýkraına Eýropadaǵy eń úlken qurlyq áskerin ıelenedi. Al Reseı jańa tarıhta alǵash ret Eýropany qaýipsizdigin AQSh-tyń ıadrolyq kúshteri qamtamasyz etip otyrǵan aýmaq túrinde emes, jeke dara qurylym retinde baǵalaýǵa májbúr bolady" deıdi Kıssındjer.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir