• USD 475.94

  • EUR 483.98

  • RUB 7.94

  • CNY 70.09

19 Tamyz, 19:26:39
Almaty
+22°

"Qazaqstan Temir joly" ulttyq kompanııasy qazaqstandyq "Jibek joly" kemesimen Berdıansk teńiz saýda porty arqyly Ýkraınadan astyq eksporttalatyny týraly aqparatqa baılanysty pikir bildirdi.

QTJ qazaqstandyq kememen astyq tasymaldanatynyn rastady.

Ulttyq kompanııa taratqan aqparatqa qaraǵanda, keme "KTZ Express Shipping" jaýapkershiligi shekteýli seriktestikke tıesili. 2021 jylǵy 26 qazanda "KTZ Express Shipping" JShS reseılik Green Line LLC kompanııasymen berboýt-charter shartyn jasasqan. Shart merzimi 2022 jylǵy 30 qarashaǵa deıin jaramdy. Ol jerde kelisim-shart  áreket etý merzimi ishinde keme jumysyna eshqandaı sanksııalar qoldanylmaıtyndyǵyna kepildik berilgen. Iаǵnı "Jibek joly" kemesiniń qyzmeti sanksııa erejelerin buzbaıdy.

Kelisim-shart boıynsha jalǵa alýshy júktiń túri men ony tasymaldaý baǵyttary boıynsha keme ıesimen kelispeıdi. Al "Green-Line" jaýapkershiligi shekteýli seriktestigi 1999 jyldan beri astyq jáne munaı treıderi retindegi estonııalyq Mangelbert OU kompanııasymen Ýkraınadan Túrkııaǵa astyq tasymaldaý qyzmetin kórsetýge uzaq merzimdi kelisimshartqa otyrǵan.

Mangelbert OU basshysynyń sózinshe, 2022 jylǵy 28 maýsymda "Jibek joly" kemesi Berdıansk teńiz saýda portynda 7 myń tonnaǵa jýyq bıdaı tıep, porttan Túrkııanyń Qarasý porty baǵytyna shyqqan. Ári astyq ýkraındyq ekenin, al tasymaldaý ýkraınalyq taraptyń ótinishi boıynsha kelisilgen gýmanıtarlyq dáliz boıynsha júzege asyrylatynyn aıtady.

Buǵan deıin BAQ betterinde "Jibek joly" kemesimen Ýkraınadan Túrkııaǵa 7 myń tonna astyq zańsyz eksporttalǵany týraly aqparat taraǵan. Aqparatta "Jibek joly" (qazir Reseı týymen júzip kele jatqan) "KTZ Express Shipping" kompanııasyna tıesili qazaqstandyq keme ekeni aıtylady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir