Foto: tengrinews.kz
Parlament Qazaqstan Prezıdenti Qasym-Jomart Toqaevtyń Ortalyq Azııa, Kongo, Malı jáne Lıvandaǵy BUU mıssııalaryna qatysý úshin Qazaqstan Qarýly Kúshteriniń bitimgershilik kontıngentin jiberý týraly usynysyn maquldady, dep habarlady Tengrinews.kz. saıty.
"Konstıtýsııanyń 53-baby 5-tarmaǵyna sáıkes BUU-nyń Ortalyq Afrıka Respýblıkasyndaǵy turaqtandyrý jónindegi kópbeıindi keshendi mıssııasyna, BUU-nyń Kongo Demokratııalyq Respýblıkasyndaǵy turaqtandyrý jónindegi mıssııasyna, BUU-nyń Malıdegi turaqtandyrý jónindegi kópbeıindi keshendi mıssııasyna, BUU-nyń Lıvandaǵy ýaqytsha kúshteriniń mıssııasyna qatysý úshin shamamen 430 áskerı qyzmetshini Qarýly Kúshterdiń bitimgershilik kontıngentin jiberý týraly usynys engizemin" - dedi Jaqsylyqov Parlament palatalarynyń birlesken otyrysynda.
Qorǵanys mınıstrliginiń basshysy Qazaqstannyń shtabtyq ofıserler jáne áskerı baqylaýshylar retinde jekelegen áskerı qyzmetshilerdi, sondaı-aq BUU mıssııalaryna barynsha suranysqa ıe jaıaý ásker, medısınalyq, barlaý, ınjenerlik áskerı polısııa bólimshelerin bólýge daıyn ekenin atap ótti.
"Baǵalaý jáne irikteý birneshe kezeńnen turady. Biz Qazaqstannan BUU-ǵa bes bólimsheni usyndyq. Olardyń barlyǵy daıyndyqtyń ártúrli deńgeılerinde. Biz bólimshelerimizdi birden emes, ótinim boıynsha jiberemiz. Bizge mıssııany oryndaýǵa daıyndyq boıynsha baǵa beriledi" dedi Rýslan Jaqsylyqov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir