ShQO-nyń 30 polıseıi qonys toıyn toılady

О́skemende Qazaqstan polısııasynyń 30 jyldyǵyn merekeleýge arnalǵan saltanatty is-shara ótti.

Jyl saıyn 23 maýsymda Qazaqstanda tártip saqshylary ózderiniń kásibı merekelerin atap ótedi. Bıyl Qazaqstan polısııasynyń qurylǵanyna 30 jyl tolady.

Búgin mereıtoılyq kúnge arnalǵan saltanatty sharaǵa oblys ákimi, quqyq qorǵaý jáne arnaıy organdardyń basshylary, IIM ardagerleri, oryndaý kezinde qaza tapqan qyzmetkerlerdiń otbasylary jáne polısııa departamentiniń jeke quramy qatysty.

Aımaq basshysy Danıal Ahmetov óziniń quttyqtaý sózinde:

"Búgin kásibı merekeni bizdiń ómirimizdi, densaýlyǵymyzdy jáne múlikterimizdi saqtaı otyryp, tártip pen zańdylyqty kún saıyn qorǵaıtyn adamdar atap ótedi. Kúmán joq, dál bizdiń polıseıler batyldyq, shydamdylyq pen qaısarlyqtyń úlgisi. Táýelsizdik jyldarynda Qazaqstannyń polısııa organdary birneshe kúrdeli kezeńderden ótip, barlyq jaǵynan ósti. Olardyń qoǵamdyq tártipke, beıbitshilik pen kelisimge, azamattardyń konstıtýsııalyq quqyqtaryn qorǵaýǵa qosqan úlesi baǵa jetpes. Bizdiń polıseıler qoǵam men memlekettiń múddelerin, bizdiń respýblıka azamattarynyń quqyqtary men bostandyqtaryn qorǵaı otyryp, óziniń azamattyq jáne qyzmettik boryshyn odan ári abyroımen atqaratynyna senimdimin" dedi.

Danıal Ahmetov 30 polısııa qyzmetkerine О́skemendegi jańa turǵyn úı kesheninen páter kiltterin tabys etti.

"Quqyq tártibin qamtamasyz etýge qosqan úlesi úshin" medalimen Kúrshim polısııa bóliminiń bastyǵy polısııa polkovnıgi Serik Manapov, "Ishki ister organdarynyń úzdigi" l dárejeli tósbelgisimen Zaısan polısııa bóliminiń bastyǵy, podpolkovnık Dıdar Qamzın marapattaldy.

Krımınaldyq polısııa basqarmasynyń bastyǵy Qaırat Ábdiǵalıevke merziminen buryn polısııa "polkovnıgi" ataǵy berildi. Aıagóz polısııa bóliminiń bastyǵy Qýanysh Ábishev "podpolkovnık" pogonyn aldy.

ShQO polısııa departamentiniń kóptegen qyzmetkerleri polısııanyń 30 jyldyǵyna oraı kezekti ataqqa ıe boldy.

QR IIM buıryǵy boıynsha 50 polıseı mereıtoılyq medaldarmen marapattaldy. 508 polıseıge mereıtoılyq nagradalar, qol saǵattary, gramotalar men alǵys hattar tabys etildi.

Danıal Ahmetov quqyq qorǵaý organdarynyń barlyq qyzmetkerlerine olardyń aýyr eńbekterinde tabys, tańdaǵan mamandyǵyna adaldyq, otbasylarynda densaýlyq pen amandyq tiledi.