• USD 465.38

  • EUR 483.58

  • RUB 7.69

  • CNY 64.95

26 Qarasha, 18:55:20
Almaty
-3°

Ýkraınalyq fotograf Maksım Levın men onyń qasyndaǵy ýkraınalyq sarbaz Alekseı Chernyshovty Reseı áskeri óltirdi. "Shekarasyz reporterler" halyqaralyq uıymy (RSF – red) tergeý nátıjesinde "Reseı áskeri olardy azaptaǵannan keıin óltirgen" dep tujyrym jasaǵan.

Tergeýshiler Levın men Chernyshovtiń deneleri tabylǵan Kıev qalasyndaǵy ormanǵa baryp, fotosýretter men tárkilengen zattaı dáleldemelerdi taldaǵan. Jýrnalıstiń kóligine 14 oq atylǵany anyqtaldy. 

13 naýryzda Levın men Chernyshov avtokólikpen ormanǵa barǵan. Olar Levınniń joǵalǵan dronyn izdep júrgen kezde reseılik áskerdiń kózine túsedi. 

Tergeýshiler Reseı áskeri Levın men Chernyshovti ýkraınalyq sarbazdar dep oılap, oq atqan bolýy múmkin dep otyr. Reseılik sarbazdar Levın men Chernyshovten málimet alý úshin azaptap, sodan soń óltirgen degen de nusqa bar.  

Jýrnalıst qaza tapqan jerde Reseı áskerı kúshteriniń zattary: armııa rasıonynyń ónimderi men plastıkalyq ydys-aıaqtardyń qaldyqtary, sondaı-aq artıllerııaǵa arnalǵan reseılik áskerı nusqaýlar tabylǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir