Zaısan qalasynda "Birqabatty Shyǵys" óńirlik jobasy aıasynda 35 úıdiń qurylysy qarqyndy júrgizilýde

"Birqabatty Shyǵys" óńirlik jobasy aıasynda bıylǵy jyly Zaısan qalasynda 2 páterli 35 úıdiń qurylysy qarqyndy júrgizilýde. Bul týraly aýdan ákiminiń orynbasary S.Tlemesov málimdedi. 

"Osy baǵdarlamanyń aıasynda 2020 jyldyń jeltoqsan aıynda Zaısan qalasynyń, Saýyr móltek aýdanynda 18 qospáterli 36 turǵyn-úı kópbalaly otbasylarǵa berildi. 2021 jyly Saýyr móltek aýdanynda 62 kópbalaly otbasy taǵy da «Birqabatty Shyǵys» baǵdarlamasymen 31 qospáterli 62 turǵyn-úımen qamtamasyz etildi. Jyl saıyn memleket azamattardyń ál-aýqatyn attyrýǵa baǵyttalǵan túrli baǵdarlamalar men jobalardy nátıjeli iske asyryp keledi. Ásirese, shalǵaıdaǵy shekaralyq aýdandardyń áleýetin arttyrý sońǵy ýaqytta basty nazarǵa alynyp otyr", deıdi S.Tlemesov.

Budan bólek aýdan ákimi shekaralyq aýdandardy damytý maqsatynda arnaı baǵdarlama jasaqtalǵanyn aıtty. 

"Shekaralyq aýdandardy damytýdyń arnaıy baǵdarlamasy da jasaldy. Atalǵan baǵdarlama kópbalaly analardy qýantyp qana qoımaı, aýdannyń áleýmettik-ekonomıkalyq damýyna úlken áserin tıgizdi. Qurylys zattaryn satatyn dúkenderdiń saýda aınalymy artyp, azamattar jumyspen qamtyldy", deıdi aýdan ákimi.

Calynyp jatqan úıler I, II toptaǵy múmkindigi shekteýli azamattarǵa, jetim balalar men áleýmettik jaǵynan az qamtylǵandarǵa berilmek.

ShQO aqparat ortalyǵy