• USD 476.43

  • EUR 479.86

  • RUB 8.07

  • CNY 70

19 Tamyz, 20:49:02
Almaty
+19°

Bas prokýratýra "Dıkıı Arman" degen laqap atpen belgili Arman Jumageldıev qylmystyq toby týraly jańa málimetterdi jarııalady, dep jazady Tengrinews.kz.

Bas prokýratýranyń Qylmystyq qýdalaý qyzmetiniń basshysy Serik Shalabaev qańtar oqıǵasy kezinde top tártipsizdikterge belsene qatysqanyn, Arman Jumageldıev nemese Dıkıı Armannyń róli erekshe bolǵanyn aıtty.

– 6 qańtarda top músheleriniń biri Almatydaǵy "Qazaqstan" qonaqúıine uıymdasqan túrde kelgen qylmyskerlerge "Glock" jáne "Makarov" tapanshalaryn taratqan. Qarýlanǵan qylmyskerler bir ýaqytta uıymdastyrýshy men onyń sybaılastarynan nusqaý alǵan. Olar sybaılastardy 10 topqa bóldi, olardyń josparlanǵan qylmysta róli boldy. "Jaýaptylar" taǵaıyndalyp, olarǵa uıymdastyrýshylar oq ótpeıtin keýdeshe, basty qorǵaıtyn quraldar, atys qarýy jáne 200 myń teńge bergen, – dedi Shalabaev.

Onyń aıtýynsha, qarapaıym sybaılastarǵa soıyl jáne basqa da zattarmen qarýlaný tapsyrylǵan. Erekshe belgi retinde barlyq qylmyskerdiń qolynda aq tańǵysh bolýy kerek bolǵan.

– Qalanyń túkpir-túkpirinen kelgen qarýly qylmyskerlerdiń bul toptary 24 azamatty urlap áketip, uryp-soǵyp, Ritz Carlton jáne "Qazaqstan" qonaqúıleriniń avtoturaǵynda ustaǵan. Artynsha jábirlenýshiler qalanyń shetine jetkizilip, temir konteınerge qamalǵan. Jaraqat nátıjesinde jábirlenýshilerdiń biri qaıtys boldy, – dedi ol.

Osy qylmystyq áreketterdi jasaǵany úshin 40 kúdikti qamaýǵa alynǵan. Qylmystyq toptyń qalǵan múshelerin anyqtaý jumystary jalǵasyp jatyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir