• USD 475.94

  • EUR 483.98

  • RUB 7.94

  • CNY 70.09

19 Tamyz, 19:44:55
Almaty
+22°
Telejýrnalıst Sergeı Ponomarev Sheshenstan Respýblıkasynyń basshysy Ramzan Kadyrovtiń qańtar oqıǵasy kezinde Qazaqstan egemendigin Reseı saqtap qaldy degen daýly málimdemesine jaýap berdi.
 
Jýrnalıst Ramzan Kadyrovtiń vıdeosyn ózine kóptegen adam jibergenin, "Qazaqstan egemendigin joǵaltyp ala jazdady" degen sózimen daýlasýǵa bolatynyn, biraq onyń mánin kórip turmaǵanyn jetkizgen.
 
 
"Vaınahtardyń "sheshender - red) úshinshi býyny umytshaq bolyp shyǵatynyn kútpedim. 1944 jylǵy aqpanda Keńes bıligi Gıtler jaǵyna ótip ketýi múmkin senimsiz ult dep 500 myń sheshendi tamaqsyz, kıimsiz Qazaqstanǵa jer aýdaryp jibergen. Bul – tutas ulttyq eń úlken jer aýdarýy edi. Adamdarǵa tipti jınalýǵa, azyq-túlik, kerek-jaraǵyn jınaýǵa mursat bermeı, ústindegi kıimimen qaqaǵan qysta qazaq dalasyna ákelip tastady. Lavrentıı Berııa mundaı "is-sharalardy" meıramdarǵa oraılastyrýdy unatatyn. Adamdardy 23 aqpanda aıazda jınap, 9 naýryzda kóshirýdi aıaqtaǵan. Men 90 jyldardyń basynda departasııa kúni Groznyı qalasynda boldym. Birinshi sheshen soǵysynda reportaj jasap, jergilikti turǵyndarmen tildestim. Úıine oralǵan sheshender birinen keıin biri kózine jas alyp qazaqtar týraly ystyq yqylasyn bildirip, alǵysyn aıtyp jatty. Qazaqtar olarǵa nanynan úzip berip, ábden qaljyraǵan balalaryn saban úıine kirgizip, qysta dalada ashtan ólip qalýdan qutqaryp qalǵan" deıdi jýrnalıst.
 
 
Sergeı Ponomarevtiń sózinshe, Sheshenstannyń tuńǵysh prezıdenti, general-maıor Djohar Dýdaev suhbatynda Qazaqstan – sheshenderdiń ekinshi Otany, baýyryna basyp, tamaq berip, aman qalýyna, ómir súrýine múmkindik bergen Otany dep aǵynan jaryla aıtqan.
 
"Sheshender Qazaqstan men qazaqtardyń osy jaqsylyǵyn biledi. Bireýiń Ramzan Ahmetulynyń esine osyny salyp qoıyńdarshy. Múmkin bir mınýtqa bolsa da, uıaty qysar" dep jazady ol.
 
Qazaqstan prezıdenti Q.Toqaev Sankt-Peterbergte ótken forýmda Qazaqstan serparatıstik, proreseılik Lýgansk jáne Donesk respýblıkalarynyń táýelsizdigin moıyndamaıtynyn málim etkeninnen keıin, Ramzan Kadyrov qańtar oqıǵasynda Qazaqstan Reseıdiń arqasynda egemendigin saqtap qaldy dep, Qazaqstandy UQKSh uıymy ókilderi qatarynda Reseıdiń Ýkraınaǵa soǵysyna bolyspaı otyr dep aıyptaǵan.
"Qamshy" silteıdi
Ilmek sózder: Ramzan Kadyrov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir