Zaısan aýdandyq ortalyq aýrýhanasyna - 100 jyl

20-ǵasyrdyń basynan bastap, Zaısan óńirinde halyqtyń densaýlyǵyn qorǵaý júıeleri birtindep, iske asa bastady. Talaı jan dertine daýa, syrqatyna em tapqan, kıeli mekeme – Zaısan aýdandyq ortalyq aýrýhanasyna bıyl 100 jyl tolyp otyr. 

Elimiz Táýelsizdik alǵan 1991 jyldan bastap, aýdandaǵy medısına salasy kóptegen qıynshylyqtarǵa ushyrap, aýyr jaǵdaıda jumys istedi. Elimizdegi “ońtaılaý’’ reformalaryna baılanysty, medısına salasyn qarjylandyrý kúrt tómendep ketti.

1999 jyly aýdandyq aýrýhanada alǵashqy dıagnostıkalyq keńes berý bólimi ashyldy. 21-shi ǵasyrdyń basynan beri, aýdandyq aýrýhana jaǵdaıy ońalyp keledi. Ár jyldary aýrýhanada eńbek etken bas dárigerler men aq halatty abzal jandarǵa aýdan turǵyndarynyń alǵysy sheksiz. Álemdi jaılaǵan koronavırýs indeti kezinde de, dárigerler janqııarlyqpen kúni-túni antyna adaldyq tanytyp, eńbek etti.

2020 jyldyń jeltoqsan aıynan bastap, Zaısan aýdandyq aýrýhanasynyń bas dárigeri qyzmetine taǵaıyndalǵan J.B.Tileýberlın basshylyǵymen dárigerler halyqqa qaltqysyz qyzmet etip, alǵysqa bólenip keledi.