ShQO-da medısına qyzmetkerlerine qurmet kórsetildi

Medısına qyzmetkerleri kúni qarsańynda О́skemende saltanatty is-shara ótti. Oblystyq máslıhattyń hatshysy Denıs Rypakov pen oblys ákiminiń orynbasary Shákárim Buqtuǵutov Shyǵys Qazaqstannyń úzdik medısına qyzmetkerlerin marapattaý rásimine qatysty.

Qazaqstan Respýblıkasynda maýsym aıynyń úshinshi jeksenbisinde medısına qyzmetkerleri kúni atap ótiledi. Tól merekeleri kúni joǵary kásibıligimen jáne adamı qasıetterimen erekshelenetin dárigerlerge, feldsherlerge, medbıkelerge, sanıtarlarǵa, jedel járdem qyzmetkerleri erekshe alǵysqa bóleneri anyq. Barlyq medısına qyzmetkerlerin ShQO máslıhatynyń hatshysy Denıs Rypakovta quttyqtady.

"Júrektiń pármenimen ózin ıgilikti medısınalyq iske arnaǵan barlyq medısına qyzmetkerlerin shyn júrekten quttyqtaımyn. Sizderdiń senimdi qoldaryńyzda eń qundy nárse - adamdardyń ómiri men densaýlyǵy. Kóp jyldar boıy adamdarǵa qyzmet etip kele jatqan densaýlyq saqtaý ardagerlerine erekshe alǵysymdy bildiremin" dedi oblystyq máslıhat hatshysy.

Oblystyń densaýlyq saqtaý salasynyń úzdik mamandary kóp jylǵy eńbegi úshin medaldarmen, Qurmet gramotalarymen, belgilermen jáne alǵys hattarmen marapattaldy.

"Eńbek ardageri" tósbelgisimen Glýbokoe aýdanynyń ortalyq aýrýhanasynyń perzenthana bóliminiń meńgerýshisi Lıýdmıla Logeıko, oblystyq ftızıopýlmonologııa ortalyǵynyń hırýrg dárigeri Saǵı Qojabaev, Rıdder qalalyq aýrýhanasynyń otolarıngology Serik Jamantaev, sondaı-aq "Densaýlyq saqtaý isiniń úzdigi" jáne "Densaýlyq saqtaý isine qosqan úlesi úshin" belgilerimen О́skemen qalasynyń №2 emhanasynyń pýlmonolog dárigeri Olga Govorýhın, Borodýlıha aýdany aýrýhanasynyń otolarıngology Olga Mokroýsova, mamandandyrylǵan balalar úıiniń medbıkesi Maıra Sýleımenova, Kókpekti aýdandyq aýrýhanasynyń medbıkesi Almash Mamabaeva, Semeı qalasynyń juqpaly aýrýlar aýrýhanasynyń bólim meńgerýshisi Dáýlet Sekerbaev marapattaldy.

Aıta ketý kerek, oblys ákimi Danıal Ahmetov densaýlyq saqtaý salasyn damytýǵa erekshe kóńil bólip keledi. Máselen, oblys ákiminiń bastamasy boıynsha 5 jyl ishinde halyqaralyq standarttarǵa sáıkes keletin 36 mlrd.teńgege 3 myńnan astam zamanaýı jabdyq satyp alyndy, bul joǵary tehnologııalyq medısınalyq tehnıka kólemin 2,5 esege ulǵaıtýǵa múmkindik berdi. Alaıda, tipti eń zamanaýı jabdyqtar men jańa tehnologııalar dárigerlerdiń qatysýynsyz paıda ákelmeıdi, óıtkeni medısınadaǵy eń mańyzdysy, kez - kelgen basqa mamandyq sııaqty, Quzyretti bilimi bar jáne tereń jaýapkershilik sezimi bar adamdar. "Mereke qarsańynda barlyq medısına qyzmetkerlerine myqty densaýlyq, qıynda, biraq ıgilikti eńbekte tabys tileımin. Sondaı - aq, uıymdastyrýshylarǵa búgin, pandemııadan keıin eki jyl ótken soń, bárimizdi jınap, osyndaı erekshe mereke uıymdastyrǵany úshin alǵys aıtamyn" dedi №4 qalalyq aýrýhananyń bas dárigeri Sergeı Popov.

Sonymen qatar, medısına qyzmetkerleri kúnine oraı oblystyq densaýlyq saqtaý basqarmasy 5 nomınasııadan turatyn baıqaý jarııalady, oǵan Shyǵys Qazaqstannyń barlyq medısınalyq uıymdary qatysty. "Jas maman retinde Men búgin " Jastyq shaq. Jańashyldyq. Talant" atalymy boıynsha jeńimpaz atanǵanyma óte qýanyshtymyn. Bul Men úshin úlken motıvasııa bolyp tabylady" dep tolyqtyrdy oblystyq kópbeıindi onkologııa jáne hırýrgııa ortalyǵynyń anestezıolog-reanımatolog dárigeri Botagóz Toqtarbekqyzy.

Esterińizge sala keteıik, 5 jyl ishinde oblys boıynsha 5,5 myńnan astam maman biliktiligin arttyrýdan ótti, onyń ishinde 341 dáriger shetelde óziniń kásibı deńgeıin arttyrdy. Osy baǵdarlamany jalǵastyra otyryp, aǵymdaǵy jyly Halyqaralyq ortalyqtarǵa taǵy da 100-den astam adam oqýǵa jiberiletin bolady.

Munyń bári oblysta ár adam sapaly jáne joǵary tehnologııalyq medısınalyq kómek ala alatyn óńir etedi. ###