• USD 476.43

  • EUR 479.86

  • RUB 8.07

  • CNY 70

19 Tamyz, 20:59:27
Almaty
+19°

Áleýmettik jelide depýtat Aıdos Sarym men saıasattanýshy Dosym Sátbaev arasyndaǵy daý qyzý talqylanyp jatyr. Daýdyń basy, Aıdos Sarymnyń Dosym Sátpaevty "balabol" dep ataýynan bastaldy. Keıin Dosym Sátpaev jeli arqyly depýtatqa jaýap berdi. 

Májilismen Astana HUB analıtıka mektebindegi kezdesý barysynda saıasattanýshy týraly pikir bildirdi. 

– Biz Dosymdy májbúrleýimiz kerek. Sen jigitsiń be ózi? Jastar, sizder osyny talap etýlerińiz qajet. Sen synap jatyrsyń, jaqsy. Biraq sol óziń synǵa alǵan adamdarmen 2 kún birge jumys istep kórshi. Qujattardy ázirlep kór. Sol kezde sen jigit bolasyń. Al qazir sen "balabolsyń"(ýádesinde turmaıtyn adam - Red), – deıdi depýtat.

Budan bólek, Aıdos Sarym qazir áleýmettik jeli arqyly synap-mineýdiń zamany ótip ketkenin jetkizdi. 

– Men taǵy da qaıtalaımyn. Ǵalamtorǵa post jazyp, upaı jınaıtyndardyń ýaqyty ótip ketti. Biz ózimizge unaıtyn qaıratkerlerimizdi qoǵam maqsaty úshin jumys isteýge májbúrleýimiz kerek, – deıdi  májilismen. 

Dosym Sátpaev Aıdos Sarymnyń bul pikirine baılanysty jaýabyn óziniń áleýmettik jelidegi paraqshalarynda ejarııalady.

– Saıası pikirin ózgertýdiń sheberi men týraly "jigitsiń be álde tek synaýdy ǵana bilesiń be" degen sarynda pikir bildiripti. Qurmetti, Aıdos! Ekeýmizdiń "naǵyz jigit" degen sóz jaıly túsinigimiz ártúrli. Meniń túsinigimdegi myqty er adam ózine "tapsyrylǵan" pikirdi emes, óz oıyn qoryqpastan ashyq aıta alatyn, aıtqan árbir sózine jaýap bere alatyn adam. Osyndaı prınsıppen ómir súre alatyn adamdy ǵana myqty erkek dep esepteımin. Men osyndaı qaǵıdamen óstim jáne solaı ómir súrip kelemin. Myqty erkek eshqashan óz sózinen aınyp, ózgertýge beıim bolyp kelmeıdi, – deıdi ol.

Sondaı-aq saıasattanýshy óziniń búginge deıin atqarǵan jumystaryna toqtalyp, "Jańa Qazaqstandy" qurýshylar eldiń bolashaǵyn oılasa, syn aıtatyn adamdardyń pikirine qulaq túrýi kerek ekenin atap ótti. 

– Meniń saıasattanýshy retindegi jumysym – bizdiń saıası júıemizdegi kemshilikterdi (unasa da, unamasa da) ashyp kórsetý ǵana emes, sonymen birge máseleniń sheshý joldaryn da usyný. Men ony ashyq túrde jyldar boıy jalǵastyryp kelemin (sen ony jaqsy bilesiń). О́z pikirlerimdi áleýmettik jelige jarııaladym, túrli basylymdar arqyly da óz pikirimdi ashyq aıtyp júrdim. Keıin kitap jazdym, Youtube-ta jobalar uıymdastyrdym. Alaıda búginge deıin aıtylǵan pikirler men usynystarym "Jańa Qazaqstandy" qurýǵa jaramaǵan sekildi. Sebebi, bılik shynymen Qazaqstandy órkendetýdi qalasa, biz sekildi synaýshylardyń basyn qosyp, kómek suraıtyn edi. Eń bolmaǵanda usynystaryna qulaq asar edi. Saǵan meniń sońǵy suhbattarym unamaǵanyn bilip turmyn. Alaıda saǵan Denı Dıdronyń "Shyndyq syndy jaqsy kóredi, odan tek paıda kóredi; ótirik synnan qorqady, óıtkeni ol odan jeńiledi" degen sózin esińe salǵym kelip tur, – dep sózin aıaqtady Dosym Sátpaev.  
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir