Berik Ábdiǵalıuly Ulytaý oblysyndaǵy qordalanǵan máselelerdi 2-3 jylda sheshýge tyrysatynyn málim etti

Jańadan qurylyp jatqan Ulytaý oblysynyń ákimi Berik Ádiǵalıuly óńirde birinshi kezekte qolǵa alynatyn ister týraly aıtty.

– Erteń óńirge memleket basshysy da kelgeli otyr. Sol kezde prezıdenttiń aldynda kóteretin eń úlken másele – Qyzylorda-Jezqazǵan jolyn sozbaı, tezdetip bastap, bitirý. О́ıtkeni baǵanyń ózgerýine baılanysty jobany qaıta qaraǵylary kelip, óz taraptarynan jumys istep jatyr. Ekinshiden, ekologııa máselesi bar. Osy máseleni kótergimiz kelip otyr. Biz Aral óńirine kiremiz, sodan keıin geptıl máselesi bar. Ekologııalyq zardaptar dáleldense, qosymsha áleýmettik kómek kóbeıedi. Bul úlken qoldaý bolady. Úshinshiden, Jezǵazǵan qalasynyń, jalpy óńirdiń aýyzsý máselesi bar. Bizde ınfraqurylymdar ábden tozǵan. Jańaarqa, Sátpaev, Ulytaý, Jezqazǵan – bárinde de káriz júıesi, sý qubyrlary ábden tozǵan. Osynyń bárin Úkimettiń qoldaýymen, "Qazaqmys» koroporasııasy bar, birigip, tez arada sheshýdi negizgi mindet dep topshylap otyrmyz", – dedi oblys ákimi.

Berik Ábdiǵalıuly atalǵan jumystarǵa qajetti qarajatty úkimetten suraıtynyn jáne jergilikti iri kásiporyndardy demeýshi esebinde tartý kózdelip otyrǵanyn jetkizdi.

– Qazir halyq sanynyń óskenine baılanysty turǵyn úı máslesin sheshý kerek bolady. Qarajalda jol máselesi, Jańaarqada jańa kásipter ashý, Ulytaýdaǵy sý, elektr problemalary – qazirgi tańda eń alǵashqy kezekte tur. Qosymsha qarajat suraımyz, árıne. О́ıtkeni bul bir jylda ǵana sheshiletin máseleler emes, aldaǵy 2-3 jylda isteletin jumys. Sondyqtan biz onyń bárin josparlap, dáleldep, negizdeımiz. Demeýshilik qoldaý da bar. "Qazaqmys", "Qazsınk", "Arselor Mıttal" degen mekemeler bar. Olarmen de jumys isteımiz, – Berik Ábdiǵanıuly.

Derekkóz: QazAqparat