• USD 468.56

  • EUR 497.56

  • RUB 7.3

  • CNY 67.18

28 Naýryz, 18:40:02
Almaty
+35°

Lısenzııalyq mindettemeler sheńberinde mobıldik operatorlar 250 eldi mekenderdiń ınternetpen qamtamasyz etýi tıis. ShQO-da sıfrlandyrýdy damytý qarqyndy júrýde. 2022 jyly-116, 2023 jyly-49, 2024 jyly-17 aýylda ǵalamtor bolmaq.

ShQO Sıfrlandyrý jáne arhıvter basqarmasynyń málimetine súıensek, atqarylǵan jumystarǵa júrgizilgen taldaý qorytyndylary boıynsha operatorlar 2021 jyly,  68 aýyldyq eldi mekenniń  tek 27-de ǵana   ınternet jelisiniń jyldamdyǵy jaqsarǵany anyqtaldy.  Uıaly baılanys operatorlary sapasyz qyzmet kórsetkeni úshin 10 mıllıon teńgege jýyq aıyppul tóledi. Osy kórsetkishterdi eskere otyryp, oblys ákiminiń ókimimen ınternet jelisi sapasynyń monıtorıngi boıynsha jumys toby bekitildi. Quramyna qoǵamdyq uıymdar men operatorlardyń ókilderi kiretin osy topty tekserý qorytyndylary boıynsha aktiler jasalyp, telekommýnıkasııalar komıtetine baılanys operatorlaryna tıisti sharalar qabyldaý úshin jiberildi.

Aǵymdaǵy jyly 41 antennalyq-machtalyq qurylysy boıynsha is-sharalar júrgizilýde. Qazirdiń ózinde jer telimderi bólindi, qurylysqa jobalaý smetalyq qujatty ázirleý boıynsha jumystar atqarylýda. «Oblysta halqynyń sany 250 adamnan kem 103 aýyldyq eldi mekender  mobıldi ınternetpen qamtamasyz etilmegen jáne baılanys sapasyn jaqsartý jónindegi baǵdarlamaǵa kirmegen. "Vostoktelekom" JShS sıfrlyq damý mınıstrligi aldyndaǵy lısenzııalyq mindettemeler sheńberinde 103 eldi mekenderdiń  45-i ǵalamtormen qamtamasyz etiletin bolady.  Qalǵan 58 eldi meken boıynsha  usynystar úshin sıfrlyq damý mınıstrligine jáne baılanys operatorlaryna hattar joldandy.

Internet jelisiniń sapasyn baqylaýdy júzege asyrý úshin, ǵalamtor jelisiniń sapasyn monıtorıngileý keısi ázirlendi. Jaýapty mamandar aı saıyn Speed test mobıldi qosymshasynyń kómegimen Internet jelisiniń jyldamdyǵyn ólsheıdi, bul derekter ázirlengen servıske engiziledi jáne "jylý" kartasynda kórneki túrde kórsetiledi. Oblystyń ekonomıkalyq damý salalaryn sıfrlandyrý boıynsha oń dınamıka baıqalady.

QR sıfrlyq damý mınıstrliginiń esepteý ádistemesine sáıkes "aqyldy "qalalar bastamalaryn iske asyrý jáne negizgi kórsetkishterge qol jetkizý krıterıi boıynsha Shyǵys Qazaqstan oblysy ákimdiginiń qorytyndy baǵasy 2021 jyly 18,4 baldy (yqtımal 20 baldan) qurady, bul 2020 jylǵy kezeńnen 3,2 balǵa (15,2) joǵary, 2019 jylǵy kórsetkishten 2 ese joǵary. Sondaı-aq, Qazaqstan Respýblıkasy Sıfrlyq damý, ınnovasııalar jáne aeroǵarysh ónerkásibi mınıstrligine uıaly operatorlardyń mindettemelerinen tys qalǵan 250+ halqy bar 68 eldi mekenderdiń  baılanys sapasyn jaqsartýǵa ótinish jiberildi.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir