07 Maýsym, 2022 Saıasat
Foto: Sputnik / Vladıslav Vodnev
Ulttyq qaýipsizdik komıtetiniń burynǵy basshysy Kárim Másimov pen UQK tóraǵasynyń burynǵy orynbasary, "A" arnaıy maqsattaǵy qyzmetiniń basshysy Ánýar Sadyqulovty qamaýda ustaý merzimi 2022 jyldyń 6 shildesine deıin uzartyldy, dep habarlady Ulttyq qaýipsizdik komıtetiniń baspasóz qyzmeti.
"UQK-nyń tergeý toby Másimovke, Sadyqulovqa, Erǵojınge jáne basqa da tulǵalarǵa qatysty QR QK-niń 175-baby 1-bóligi, 179-baby 3-bóligi, 218-baby 3-bóliginiń 3-tarmaǵy, 362-baby 4-bóliginiń 3-tarmaǵy, 366-baby 4-bóligi boıynsha qylmys jasaý belgileri boıynsha qylmystyq isti tergeýdi jalǵastyrýda" delingen habarlamada.
Al UQK tóraǵasynyń burynǵy orynbasary Dáýlet Erǵojındi qamaýǵa alý merzimi 13 shildege deıin uzartylǵan.
♦ QK 336-baby 4-bóligi – "Para alý"
♦ QK 362-baby 4-bóligi 3-tarmaǵy – "Bılikti nemese laýazymdyq ókiletigin asyra paıdalaný"
♦ QK 175-baby 1-bóligi – "Memleketke opasyzdyq jasaý"
♦ QK 179-baby 3-bóligi – "Bılikti basyp alýdy nemese ustap turýdy nasıhattaý nemese oǵan jarııa túrde shaqyrý, sol sııaqty bılikti basyp alý nemese ustap turý ne Qazaqstan Respýblıkasynyń konstıtýsııalyq qurylysyn kúshtep ózgertý"
♦ QK 218-baby 3-bóligi 3-tarmaǵy – "Qylmystyq jolmen alynǵan aqshany jáne (nemese) ózge múlikti zańdastyrý (jylystatý)"
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir