• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 04:32:01
Almaty
-5°

Parlament Májilisiniń Tóraǵasy Erlan Qoshanov Erevandaǵy Ujymdyq qaýipsizdik týraly shart uıymy (UQShU) Parlamenttik Assambleıasynyń is-sharalaryna qatysty.

Otyrysta Armenııa, Belarýs, Qazaqstan, Qyrǵyzstan, Reseı jáne Tájikstan Parlament jetekshileri osy Uıym qyzmetiniń ózekti máselelerin, óńirlik  qaýipsizdik salasyndaǵy ahýalyn talqylap, aldaǵy josparlardy aıqyndady.

UQShU PA Keńesiniń otyrysyna qatysýshylar Qazaqstandy elimizdiń Konstıtýsııasyna ózgerister men tolyqtyrýlar engizý jónindegi referendýmnyń sátti ótýimen quttyqtady.

Sýretti túsirgen J. Jumabekov

Májilis Tóraǵasy Erlan Qoshanov jınalǵandardy jalpyulttyq referendýmnyń aldyn ala qorytyndylary týraly habardar etip, UQShU PA mıssııasynyń quramynda referendýmdy baqylaý maqsatymen Qazaqstanǵa óz ókilderin jibergeni úshin Uıymǵa múshe memleketterdiń Parlament jetekshilerine alǵysyn aıtty.

«Aldyn-ala málimet boıynsha 77,2 paıyz qazaqstandyqtardyń konstıtýsııalyq ózgeristerge daýys berýi Prezıdentimiz Qasym-Jomart Kemeluly Toqaevtyń reformalar baǵytyn qoǵamnyń keń qoldaýynyń aıqyn dáleli deýge bolady. Men Qazaqstandaǵy UQShU PA mıssııasynyń baıqaýshylarymen kezdestim. Olardyń belsene qatysqany jáne shynaıy baǵa bergeni úshin rızashylyǵymdy bildiremin», – dedi Májilis Tóraǵasy.

Sondaı-aq Erlan Qoshanov jınalǵandarǵa Qazaqstanda júrgizilip jatqan konstıtýsııalyq reformanyń mańyzdylyǵy týraly aıtyp berdi.

«Referendým – bul elimizde ózgeristerge degen qoǵam suranysyna naqty jaýap. Konstıtýsııalyq ózgeristerde belgilengen Prezıdent reformalary negizgi úsh baǵytty qamtıdy. Bul – adam quqyqtary men bostandyqtaryn qorǵaý júıesin nyǵaıtý, azamattardyń memlekettikti basqarý isine qatysýyn arttyrý, memlekettik ınstıtýttardyń ashyqtyǵy men tıimdiligin arttyrý», – dedi Erlan Qoshanov.

Májilis Tóraǵasy armenııalyq áriptesterine qonaqjaılylyǵy men is-sharanyń joǵary deńgeıde uıymdastyrylǵany úshin alǵys aıta otyryp, kezdesýdi Ujymdyq qaýipsizdik shartyna qol qoıylǵanyna 30 jyl tolýymen jáne UQShU-nyń 20 jyldyǵymen tuspa-tus kelýiniń sımvoldyq máni zor ekenin aıtty.

«О́tken jyldar ishinde UQShU ózin tıimdi halyqaralyq uıym retinde kórsete bildi. UQShU qyzmetiniń negizgi baǵyttarynyń biri parlamentaralyq baılanys. Bul uıymnyń basymdyqtaryn eskere otyryp, ulttyq zańnamany júıeli túrde úılestirýge jáne parlamentaralyq yntymaqtastyqty damytýǵa múmkindik berdi», – dedi Palata Tóraǵasy.

Sýretti túsirgen J. Jumabekov

Májilis Tóraǵasy Uıymnyń halyqaralyq jáne óńirlik deńgeıde qaýipsizdikti qamtamasyz etýdegi bitimgershilik qyzmetiniń áleýeti joǵary ekenine nazar aýdardy.

О́tken jyly mereıtoılyq Sammıtte Qazaqstan Respýblıkasynyń Prezıdenti Qasym-Jomart Kemeluly Toqaev aıtqan UQShU-ny BUU-nyń bitimgershilik qyzmetine qosý týraly usynysty júzege asyrý úshin qazir barlyq jaǵdaı jasalǵany erekshe atap ótildi. Bul qadam uıymǵa BUU aıasynda beıbitshilikti qoldaýǵa baǵyttalǵan halyqaralyq operasııalarǵa qatysýǵa múmkindik beredi.

Bul  ásirese, Aýǵanstandaǵy kúrdeli jaǵdaıdyń jalǵasýyna baılanysty ózekti bolyp otyr. Osyny eskere otyryp, Erlan Qoshanov yqtımal qaýip-qaterlerdiń aldyn alý, sodyrlar men radıkaldy dinı aǵymdardy ustanýshylardyń UQShU elderiniń aýmaǵyna kirýine jol bermeý úshin ońtústik shekaralarda Uıymnyń jaýapkershilik aımaǵyn kúsheıtý mańyzdy ekenin atap ótti.

Keńes otyrysynda Parlament ókilderi UQShU Ujymdyq qaýipsizdik keńesiniń ótken jylǵy qyrkúıektegi  sessııasynyń sheshimderin iske asyrý qorytyndylaryn jáne Uıymnyń sessııaaralyq kezeńdegi qyzmetin talqylady.

Sýretti túsirgen J. Jumabekov

Sapar aıasynda Májilis Tóraǵasy Erlan Qoshanov Armenııa Respýblıkasy Ulttyq jınalysynyń Tóraǵasy Alen Sımonıanmen kezdesti. Onda barlyq salalardaǵy, sonyń ishinde eki eldiń parlamentteri deńgeıindegi ekijaqty yntymaqtastyqtyń qazirgi jaǵdaıy men keleshegi talqylandy.

Sonymen qatar  Erlan Qoshanovtyń Reseı Federasııasy Memlekettik Dýmasynyń Tóraǵasy Vıacheslav Volodınmen kezdesý barysynda Qazaqstan-Reseı parlamentaralyq yntymaqtastyǵynyń ózekti máseleleri qaraldy.Taraptar tıisti komıtetter men yntymaqtastyq toptary arqyly birlesken jumysty kúsheıtýdi, sondaı-aq zań shyǵarý qyzmeti boıynsha tájirıbe almasýdy qoldady. Sonymen birge  UQShU elderi parlamentteriniń basshylary Armenııa Premer-Mınıstri Nıkol Pashınıanmen de kezdesti.

 


Sýretti túsirgen J. Jumabekov
Parlament Májilisiniń Tóraǵasy Erlan Qoshanovtyń delegasııa basshylary
Belarýs Respýblıkasy Ulttyq Jınalysy О́kilder Palatasynyń Tóraǵasy Vladımır Andreıchenkomen, Qyrǵyz Respýblıkasy Jogorký Keneshiniń tóraǵasy Talant Mamytovpen jáne Tájikstannyń Madjlısı namoıandagon Madjlısı Olı tóraǵasy Mahmadtoır Zokırzodamen ekijaqty kezdesýleri barysynda parlamentaralyq dıalogty nyǵaıtý máseleleri talqylandy.

Májilistiń baspasóz qyzmeti

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir