Túrkııada 1 maýsymnan bastap PTR-test talap etilmeıdi

Túrkııa 1 maýsymnan bastap shekara beketteri arqyly kiretin adamdardan PTR test talap etpeıdi. Bul týraly túrkııalyq Hurriyet saıty habarlady. 

Qazirdiń ózinde Túrkııadaǵy qoǵamdyq oryndarda medısınalyq maska kııý talaby alynyp tastalǵan. Jergilikti bılik koronavırýsqa baılanysty sońǵy derekterdi saraptaı otyryp osyndaı sheshim shyǵarǵan. 

"Koronavırýs pandemııasyna qatysty qazirgi jaǵdaıdy eskere otyryp, 1 maýsymnan bastap elge shekara beketteri arqyly kirý úshin 72 saǵat buryn tapsyrylatyn PTR-testiń nemese 48 saǵat buryn antıgenge tapsyrylatyn ekspress-testiń nátıjesi talap etilmeıdi" delingen resmı habarlamada.