Foto: BBC
Vladımır Pýtın Ýkraınaǵa qarsy soǵys bastalǵannan beri jaraly áskerlermen alǵash ret kezdesý ótkizdi, dep jazady BBC.
Ol Máskeýdegi áskerı gospıtalda boldy. Jaralylarmen kezdesýge Pýtınmen birge Reseı Qorǵanys mınıstri Sergeı Shoıgý da bardy.
Vıdeoda mınıstr Pýtınge sarbazdar jaraly bolsa da elge qyzmet etýge daıyn ekenin aıtady. Pýtınniń "Qyzmet etýge daıynsyńdar ma?" degen suraǵyna gospıtalda em alyp jatqan sarbaz "Árıne" dep jaýap beredi.
Al Ýkraına prezıdenti Vladımır Zelenskıı sońǵy aı ishinde soǵystan zardap shekken sarbazdar men beıbit turǵyndar emdelip jatqan birneshe aýrýhanany aralaǵan. Vıdeodan Zelenskııdiń soǵys kezinde aıaǵynan jaralanǵan balany týǵan kúnimen quttyqtaǵanyn, em alyp jatqan qyzǵa gúl shoǵyn syılaǵanyn kórýge bolady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir