Almatydaǵy Medeý aýdandyq HQKO-nyń bastyǵy Araılym Aıjanova men JSN alýǵa kelgen Lev Leshenko
Qazaqstanda elektrondyq úkimet portaly – eGov arqyly sheteldikterge JSN berý toqtatyldy.
Qazirgi ýaqytta eGov saıtynda atalǵan qyzmet túri qoljetimsiz. Azamattarǵa arnalǵan úkimet korporasııasynyń baspasóz qyzmeti qyzmettiń isten shyǵýy tehnıkalyq sebepterge baılanysty ekenin aıtady.
Alaıda sheteldikter JSN-di áli de Halyqqa qyzmet kórsetý ortalyǵyna baryp alýyna bolady.
Ishki ister mınıstrligi elge ýaqytsha kelgen sheteldikterdiń jeke sáıkestendirý nómirin alýyna shekteý engizgen joq dep habarlady.
Vedomstvo málimetinshe, jyl basynan beri 90 100 sheteldik Qazaqstan JSN-in rásimdegen. Olardyń ishinde 35 960 Reseı azamaty jáne 637 Ýkraına azamaty bar.
Jaqynda reseılik estrada ártisi Lev Leshenko Qazaqstan jeke sáıkestendirý nómirin alǵany áleýmettik jelide qyzý talqylanyp, keı qoldanýshylar Reseı azamattaryna Qazaqstan JSN-in ońdy-soldy taratýdy shekteý kerektigi jetkizgen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir