Arystanbek Muhamedıuly qamaýǵa alynǵany habarlandy

Jýrnalıst Mıhaıl Kozachkov óziniń Telegram-kanalynda Ulttyq mýzeı dırektory Arystanbek Muhamedıuly qamaýǵa alynǵany týraly aqparat jarııalady. 

"Beısenbi kúni aýrýhanadan shyǵyp, úıge jetken kezde ony Antıkor qyzmetkerleri alyp ketti. Ulttyq mýzeıdiń qazirgi basshysy halyqaralyq kórmelerdi ótkizýge bólingen qarjyny jymqyrdy degen kúdikke ilindi", delingen aqparatta. 

Buǵan deıin Cybaılas jemqorlyqqa qarsy qyzmet Arystanbek Muhamedıulyna qatysty tergeý júrgizip jatqany týraly aqparat shyqqan. 1,2 mlrd teńgege jasalǵan kelisimsharttan kinarat taptyq degen tergeýshiler eks-mınıstrdi 146 mln teńgeni qaltaǵa basty dep aıyptap otyr. Keıin Arystanbek Muhamedıuly ózine qol salmaq bolyp, tamyryn kesipti-mys degen áńgime tarady. Biraq aqparat rastalmaǵan. Alaıda Ulttyq mýzeıdiń resmı ókili Aıdar Qyryqbaı eks-mınıstr jansaqtaý bóliminen jalpy palataǵa aýystyrylǵany týraly málimdeme jasaǵan.