• USD 470.9

  • EUR 496.94

  • RUB 8.83

  • CNY 70.33

25 Maýsym, 03:48:22
Almaty
+16°

Máskeý Reseı áskeriniń baqylaýyna ótken Marıýpol qalasynyń portynan Ýkraına astyǵy men metalyn alyp ketýge daıyndalyp jatyr. Bul jóninde Azattyq Ýkraın redaksııasynyń spýtnık fotolaryna jasalǵan taldaýǵa súıenip habarlady.

Reseıdiń Ýkraına portyndaǵy júkterdi áketýge talpynyp jatqanyn buǵan deıin "Marıýpol teńiz saýda porty" memlekettik kásipornynyń dırektory Igor Barskıı málimdegen. Onyń sózinshe, porttaǵy metall men shoıynnyń baǵasy 170 mıllıon dollarǵa teń.

"Shemı" málimetterine qaraǵanda port mańynda shetel týyn kótergen tórt júk kemesi tur. Spýtnık sýretteri olardyń júk artatyn orynǵa jaqyn ekenin kórsetken. Marıýpol portyndaǵy metall Ýkraına olıgarhy Rınat Ahmetovtiń "Metınvest" kompanııasyna, al astyq memlekettik mekemelerge tıesili. "Metınvest" metaldyń bir bóligi Italııaǵa shyǵarylýǵa tıis bolǵanyn habarlady.

Marıýpol meri Vadım Boıchenkonyń sózinshe, Reseı port jumysyn qaıta jandandyrýǵa tyrysyp jatyr.

Qalanyń reseıshil separatıster taǵaıyndaǵan meri Konstantın Ivashenko Marıýpolden alǵashqy kemeniń attanýǵa daıyn ekenin, Dondaǵy Rostovqa shamamen úsh myń tonna metall ónimderin áketetinin málimdedi. Ivashenkonyń sózinshe, portta sheteldiń eki kemesi tur. Olarǵa shyǵyp ketýge ruqsat berilgen.

  • Marıýpol naýryzdyń bas kezinde Reseı áskeriniń qorshaýynda qalǵan. Ýkraına jaýyngerleri uzaq qarsylasyp, "Azovstal" zaýytyna bekingen. О́tken aptada Reseı Qorǵanys mınıstrligi kombınat Reseı áskeriniń baqylaýyna ótkenin málimdegen. Ýkraınanyń eki jarym myńnan astam jaýyngeri tutqynǵa túsken.
  • Marıýpol Reseı áskeriniń shabýylynan keıin tolyǵymen qırap, ondaǵan myń adam ólgen. Qaladaǵy qurylystyń 90 paıyzy joıylǵan. Soǵysqa deıin 400 myń adam ómir súrgen qalada 100 myńǵa jýyq halyq qalǵan.
"Qamshy" silteıdi
Ilmek sózder: Ýkraına Reseı soǵys

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir