• USD 470.9

  • EUR 496.94

  • RUB 8.83

  • CNY 70.33

25 Maýsym, 05:15:04
Almaty
+15°

Reseıdegi "Birinshi arna" telearnasynyń burynǵy qyzmetkeri Marına Ovsıannıkova tikeleı efır kezinde Ýkraınadaǵy soǵysqa qarsy aksııa jasaǵany úshin adam quqyǵy boıynsha Vaslav Gavel atyndaǵy syılyqqa ıe boldy, dep jazady dw.com.

Naýryz aıynda Ovsıannıkova "Birinshi arnanyń" keshki jańalyqtar efırinde sóılep otyrǵan dıktordyń artyna shyǵyp, "Soǵysty toqtatyńdar! Propagandaǵa senbeńder. Bul jerde ótirik aıtady" degen jazýy bar plakat ustap, soǵysqa qarsy aksııa jasaǵan. 

– Reseı tez arada soǵystan jeńilse jaqsy bolar edi. Uzaq ýaqytqa sozylǵan qarańǵylyqtan keıin jaryq nur shyǵýy kerek, – dedi Marına Ovsıannıkova marapattaý kezinde.  

Ol Reseıde bolyp jatqan oqıǵalardy Djordj Orýelldiń "1984" romanyndaǵy  álemmen salystyrady. 

– 20 jyl ishinde Reseı totalıtarlyq memleketke aınaldy. Qazir "soǵysqa jol joq" degen adamdar abaqtyǵa qamalady. Al bul eldiń prezıdenti – áskerı qylmysker, – dep sózin qorytyndylady Marına Ovsıannıkova. 

Ovsıannıkova halyqty Reseıdiń Ýkraınaǵa agressııasyn toqtatýdy talap etýge shaqyryp, áleýmettik jeli arqyly vıdeo úndeý jasaýdy jalǵastyryp keledi. Keıin oǵan zańsyz aksııa ótkizgeni úshin 30 myń rýbl aıyppul salynǵan.

Tergeý komıteti Qylmystyq kodekstiń "Reseı áskeri týraly jalǵan aqparat taratý" degen jańa baby boıynsha Ovsıannıkovany tergep jatyr. Atalǵan bappen sottalǵan adam 3 jyldan 15 jylǵa deıin bostandyǵynan aıyrylýy múmkin.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir