«AMANAT» partııasynyń tóraǵasy Erlan Qoshanov referendýmdy qoldaý úgit-nasıhat jumystaryn kúsheıtýdi tapsyrdy

Búgin «AMANAT» tóraǵasy Erlan Qoshanov QR Konstıtýsııasyna ózgerister men tolyqtyrýlar engizý boıynsha referendým ótkizýdi qoldaý maqsatynda beınekonferensııa baılanysy arqyly Respýblıkalyq partııalyq shtabtyń kezekti otyrysyn ótkizdi.

Úgit naýqany bastalǵannan beri amanattyqtar 5 myńnan astam is-shara ótkizdi. Atap aıtqanda, eńbek ujymdarymen, bilim berý, densaýlyq saqtaý, mádenıet, aýyl sharýashylyǵy jáne basqa da sala ókilderimen kezdesýler ótti. Onyń ishinde óńirlerdiń turǵyndarymen bir myńǵa jýyq kezdesýdi parlament májilisindegi partııa fraksııasynyń músheleri ótkizdi.

Jalpy, úgit-nasıhat is-sharalaryna 220 myńnan astam adam qatysty.

«AMANAT» partııasynyń referendým ótkizýdi qoldaý úgit naýqany jalǵasyp jatyr. Qarqyndy tómendetpeý kerek. О́tkiziletin kezdesýlerdiń sanyna ǵana emes, birinshi kezekte sapasyna da nazar aýdarǵan jón. Biz konstıtýsııalyq ózgeristerdiń mánin túsinikti, qarapaıym tilmen jetkizýimiz qajet. Adamdardy ýchaskelerge kelip, óz daýysyn berýge yntalandyrýymyz kerek», – dedi partııa tóraǵasy.

Erlan Qoshanov atap ótkendeı, qazirgi ýaqytta 5 maýsymda ótetin referendýmda azamattardy daýys berýge shaqyrý úshin barlyq resýrsty jumyldyrý óte mańyzdy.

Jıyn sońynda partııa tóraǵasy úgit-nasıhat jumystaryn jandandyrýǵa qatysty birqatar naqty tapsyrma berdi.

«AMANAT» partııasynyń baspasóz qyzmeti