• USD 468.56

  • EUR 497.56

  • RUB 7.3

  • CNY 67.18

29 Naýryz, 10:34:22
Almaty
+35°

Reseı soty oppozısııalyq saıasatker Alekseı Navalnyıdyń jaza merzimin qatań rejımdegi túzeý kolonııasyna aýystyrý sheshimine túsirgen opelıasııalyq shaǵymyn qanaǵattandyrǵan joq. Bul týraly BBC habarlady.

Reseı soty Pýtınniń basty opponentin "alaıaqtyq jasady" jáne "sotqa qurmetsizdik kórsetti" degen aıyppen 9 jylǵa bas bostandyǵynan aırylǵan. Jaqyn arada ony qatań rejımdegi kolonııaǵa aýystyratyn bolady. Búginge deıin Navalnyı jalpy rejımdegi kolonııada bolǵan. 

Navalnyıdyń ózi sotqa vıdeo arqyly onlaın rejımde qatysty. Oppozısıoner jaqtastary vıdeobaılanys sapasy óte nashar bolǵanyn aıtady.

"Men qazir jalpy rejımdegi kolonııadamyn. Úsh aıdyń ishinde bir-aq ret jaqyndarymmen kezdesýge múmkindigim bar. Eger sot úkimi ózgerissiz qalsa, meni qatań rejımdegi kolonııaǵa aýystyrady. Al ol jaqta qandaı sharttar bolatynyn eshkim bilmeıdi. Negizi, men SIZO-da otyrýym kerek. Biraq men jalpy rejımdegi kolonııadamyn. Meniń jaqyndarymmen kezdesýge quqyǵym bar. Qatań rejımdegi kolonııada kezdesý sany múldem az bolatyny belgili", dedi oppozısıoner sot otyrysynda.  

22 naýryzda Máskeýdiń Lefortovo soty Navalnyıdy toǵyz jylǵa bas bostandyǵynan aıyryp, jazasyn qatań rejımdegi kolonııada óteýge jáne 1,2 mıllıon rýbl aıyppul tóleý týraly úkim shyǵarǵan.

Quqyqqorǵaýshylar oppozısııalyq saıasatkerge taǵylǵan aıyptyń saıası astary bar dep sanaıdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir