Foto: sn.kz
Ártis, ázilkesh Tursynbek Qabatov saıası partııa qurǵaly jatqany týraly aqparatty teriske shyǵardy.
– Bul týraly osy qazir sizdiń aýzyńyzdan estip otyrmyn. Men ózim gostroldik saparda júrmin. Partııa ashqany nesi?! Saıasatqa aralasý oıymda da joq. Partııa qurý jónindegi aqparat – jalǵan. Bireýlerdiń erikkennen jasap júrgen áńgimesi shyǵar, – dedi Qabatov Qamshy tilshisine.
Buǵan deıin "Adyrna", Kznews.kz aqparat portaldarynda Tursynbek Qabatov "Abyroı" degen atpen partııa quratynyn týraly aqparat shyqqan.
"KVN juldyzy ulty men dinine qaramastan Qazaqstannyń barlyq turǵyndarynyń basyn biriktirýge nıetti. Aldyn ala málimetter boıynsha, partııa baǵdarlamasynda ózge mindetterdiń qataryna birliktiń biregeı qazaqstandyq modelin saqtap qalý jáne arttyrý, elde ómir súretin barlyq halyqtardyń arasyndaǵy berik dostyqty kúsheıtý kiredi" delingen atalǵan portaldardaǵy aqparatta.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir