Foto: BBC
Reseı dıplomaty "Pýtınniń Ýkraınaǵa qarsy ashqan qandy, aqylsyz soǵysyna" narazylyq retinde jumysynan ketti.
"LinkedIn" jelisinde Reseıdiń Jenevadaǵy BUU janyndaǵy mıssııasynda jumys istegenin aıtqan Borıs Bondarev BBC-ge óziniń sheshiminen keıin Kreml ony "satqyn" dep sanaıtynyn jetkizgen.
Ol soǵysty "ýkraın jáne Reseı halqyna qarsy qylmys" dep sıpattady.
Áleýmettik jelide jarııalanǵan jáne basqa dıplomattarmen bólisken hatynda Bondarev qyzmettegi 20 jyldyq mansabyn aıaqtaýdy tańdaǵanyn aıtady. Ol "budan bylaı bul qandy, aqylsyz jáne múldem qajetsiz masqaralyqqa" qatysa almaıtynyn málem etti.
"Osy soǵysty oılaǵandar bir ǵana nárseni – bılikte máńgi qalýdy qalaıdy" dep jazdy ol.
"Oǵan qol jetkizý úshin olar qansha adam qajet bolsa, sonsha ómirdi qurban etýge daıyn. Myńdaǵan orystar men ýkraındar dál osy úshin óldi" dedi ol.
Hatta onyń burynǵy jumys berýshisi de atalyp ótilgen. Ol Reseı Syrtqy ister mınıstrligin dıplomatııadan góri "ótirik pen óshpendilikke" kóbirek múddeli dep aıyptaıdy.
Máskeý dıplomat málimdemesine baılanysty ázirge túsinik bergen joq.
Reseı tek "arnaıy áskerı operasııa" dep ataıtyn soǵysty synaıtyn nemese odan bas tartqandarǵa qarsy qatań shara qoldanady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir