"Pýtın – súmelek!": Sońǵy qońyraýda Reseı agressııasyn aıyptaǵan oqýshynyń keshirim suraǵan vıdeosy paıda boldy (vıdeo)

Ýkraınadaǵy soǵysty aıyptap málimdeme jasaǵan Daǵystannyń Izberbash qalasyndaǵy №11 mektepte oqıtyn oqýshy men onyń ata-anasynyń keshirim suraǵan vıdeosy jarııalandy.

Oqýshy áreketin basqalardyń nazaryn ózine aýdarý úshin jasaǵanyn aıtyp, keshirim suraıdy. Al anasy vıdeoda qyzynyń áreketi úshin keshirim surap otyryp, Pýtınniń saıasatyn tolyq qoldaıtynyn jetkizgen. 

Jergilikti "Kavkaz Realı" saıty jasóspirim men anasynyń ústinen ákimshilik is qozǵalǵany jóninde aqparat jarııalady. Al Daǵystannyń Ishki ister mınıstrligi atalǵan oqıǵaǵa baılanysty túsinik berýden bas tartqan. Tek qana "atalǵan oqıǵaǵa baılanysty tekseris jumystary júrip jatyr" dep jaýap bergen Kavkaz Realı saıtynyń jýrnalısine. 

Buǵan deıin áleýmettik jelide sońǵy qońyraý saltanaty ótip jatqan kezde "Soǵysqa jol joq! Ýkraınaǵa azattyq! Pýtın – súmelek!" dep mıkrofonmen aıǵaılaǵan oqýshynyń vıdeosy taraǵan.

Na poslednem zvonke v dagestanskoı shkole vypýsknısa zakonchıla svoıý rech lozýngamı «Net voıne! Svobodý Ýkraıne! Pýtın — chıort!».

Vıdeo: sossetı pic.twitter.com/bDsDgB4Q76

— Jýrnal DOXA (@doxa_journal) May 22, 2022