Qazaq boksshysy Jánibek Álimhanuly álem chempıony atandy

Qazaq boksshysy Jánibek Álimhanuly brıtandyq boksshy Dennı Dıgnýmnan basym túsip, orta salmaqtaǵy WBO tujyrymy boıynsha ýaqytsha chempıon ataǵyn jeńip aldy. Jekpe-jek AQSh-tyń Las-Vegas qalasynda ótti.

12 raýndqa josparlanǵan kezdesý merziminen buryn aıaqtaldy. Jánibek qarsylasyn aldymen 1-raýndta nokdaýnǵa jiberip, ekinshi raýndta sulatyp túsirdi.

Bul – Jánibektiń 12 jekpe-jektegi 12 jeńisi.

Álimhanuly endi 180 kún ishinde WBO tujyrymy boıynsha tolyqqandy chempıon ataǵy úshin amerıkalyq  Demetrıýs Andrademen judyryqtasýǵa tıis.

Qazaq boksshysy oǵan árdaıym daıyn ekenin málemdep, chempıondy jekpe-jekke shaqyryp keledi. Saparshylar bul kezdesýdi uıymdastyrý qıyndaý dep júr. Onyń sebebi retinde qazaq boksshysynyń tym qaýipti qarsylas ekeni, onymen judyryqtasý kommersııalyq turǵyda tıimsiz ekeni aıtylady.

Eger Demetrıýs Andrade Jánibek Álimhanulymen kezdesýden bas tartsa, tolyqqandy chempıondyq tıtýl qazaq boksshysyna jekpe-jeksiz beriledi.