Foto: tengrinews.kz
Ulttyq mýzeı dırektory Arystanbek Muhamedıuly jansaqtaý bóliminen palataǵa aýystyrylǵan. Bul týraly mýzeıdiń resmı ókili Aıdar Qyryqbaı málimdedi, dep habarlady Tengrinews.kz saıty.
– Ol shamamen bir jarym kún jansaqtaý bóliminde jatqanyn bilesizder. Qazir ol palataǵa aýystyryldy. Jaǵdaıy ortasha. Palatasyna áli eshkimdi kirgizbeıdi, tek jubaıyn. Jalpy, dárigerler ony qarap jatyr. Qazir ómirine qaýip tónip turǵan joq, – dedi Qyryqbaı.
Ol Arystanbek Muhamedıulynyń ústinen qylmystyq is qozǵalmaǵanyn aıtty.
– Sybaılas jemqorlyqqa qarsy qyzmet Ulttyq mýzeıdiń basshylyq quramyna qatysty qylmystyq is qozǵady. Oǵan dırektordyń orynbasarlary, burynǵy dırektorlar jáne t.b. kiredi. "Altyn adamnyń álem mýzeılerine sherýi" 2017 jyly bastaldy. Osy ýaqyt ishinde birneshe dırektor men orynbasar aýysty. Tekseris bolǵanyn jasyrmaımyz. Tekseriske Tuńǵyshbaı Jamanqulovtyń shaǵymy (qazaqstandyq akter. – red.) negiz bolǵan. Ol Memleket basshysynyń atyna hat jazdy. Osydan keıin bizde Esep komıtetiniń tekserisi boldy. Olar usaq zańbuzýshylyqtar tapty, olardyń eskertýlerin Ulttyq mýzeı oryndady. Keıin Bas prokýratýraǵa qarjylyq aýdıt shaǵymy boıynsha tekseris júrgizildi. Onda da usaq eskertýler aıtylyp, olar túzeldi. Jamanqulov úshinshi ret hat jazdy. Onda Muhamedıulyny ózin aıyptaǵan, – dep túsindirdi Aıdar Qyryqbaı.
Buǵan deıin Cybaılas jemqorlyqqa qarsy qyzmet Arystanbek Muhamedıulyna qatysty tergeý júrgizip jatqany týraly aqparat shyqqan. Uzamaı Arystanbek Muhamedıulynyń prezıdentke joldaǵan beıneúndeýi jarııalandy. Úndeýde ol ózine qatysty tekseris negizsiz júrip jatqanyn jetkizip, prezıdentten tekseristi toqtatýǵa yqpal etýdi suraǵan. Sol arqyly tergeý týraly aqparatty janama túrde rastaǵan. Artynsha sybaılas jemqorlyqqa qarsy qyzmet "Altyn adamnyń álem mýzeılerine sherýi" halyqaralyq kórmesin ótkizýde memleket qarjysyn jymqyrǵan degen kúdikpen mýzeı basshylyǵy tergelip jatqanyn resmı habarlady. Biraq Arystanbek Muhamedıulynyń atyn tikeleı atamady. Osy oqıǵalardyń arasynda Arystanbek Muhamedıuly ózine qol salmaq bolyp, tamyryn kesipti-mys degen áńgime tarady. Biraq aqparat rastalmaǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir