AQSh Ýkraınany kemege qarsy zymyrandarmen qarýlandyrady

"AQSh sheneýnikteri Ýkraına áskerin kemege qarsy jetildirilgen zymyrandarmen qarýlandyrýdy qarastyryp jatyr" dep habarlady Reuters aqparat agenttigi Baıden ákimshiliginiń sheneýnikterine silteme jasap.

"Ýkraına porttaryn qorshap turǵan Reseıdiń Qara teńiz flotyn nysanaǵa alý úshin Aq úı  Kıevke Boıng garpýny men Áskerı-teńiz kúshteriniń zymyrandaryn usyna alady" delingen habarlamada.

Ulybrıtanııanyń qorǵanys sheneýnikteri aımaqta Reseı áskerı-teńiz kúshteriniń 20-ǵa jýyq kemesi, sonyń ishinde súńgýir qaıyqtar da belsendi ekenin aıtady.

Batystyq sheneýnikter "qarý-jaraq reseılik kemelerdi Ýkraına aýmaǵynan shyǵarýǵa jáne astyq pen basqa da aýylsharýashylyq ónimderin tasymaldaýdy qalpyna keltirýge múmkindik beredi" dep senedi.

Biraq bir raýndynyń quny shamamen $1,5 mln bolatyn jáne 300 km qashyqtyqqa jetetin zymyrandar negizinen teńizge arnalǵan, ıaǵnı Ýkraınanyń ony jaǵadan atýy qıynǵa soǵýy múmkin.