• USD 470.9

  • EUR 496.94

  • RUB 8.83

  • CNY 70.33

25 Maýsym, 04:06:32
Almaty
+15°

Búgin Ýkraınada ásker qylmys jasaǵan reseılik sarbazǵa qatysty alǵashqy sot otyrysy ótti. 21 jastaǵy Vadım Shıshımarın qylmysyn tolyq moıyndady. Ol soǵystyń alǵashqy kúnderi qolynda qarýy joq 62 jastaǵy beıbit turǵyndy atyp óltirgen. Reseılik sarbaz ómir boıyna bas bostandyǵynan aıyrylýy múmkin, dep jazady BBC.

Sot otyrysy Kıev qalasyndaǵy shaǵyn sot zalynda ótken. 62 jastaǵy Aleksandr Shelıpovtyń jesiri reseılikke qarama-qarsy 1-2 metr jerde otyrǵan. Sýdıanyń "Kináńdi tolyq moıyndaısyń ba?" degen suraǵyna Shıshımarın "Iá" dep jaýap berdi. 

Prokýratýranyń deregi boıynsha, Shıshımarın Reseı tank devızııasyndaǵy bólimshelerdiń birin basqarǵan. Shıshımarınnen bólek 4 reseılik sarbaz kólikti urlap bara jatqan kezde joldan velosıpedpen kele jatqan 62 jastaǵy beıbit turǵyndy kezdestiredi. Prokýror Shıshımarın ózine buıryqty berilgen soń beıbit turǵyndy "Kalashnıkov" qarýymen atyp óltirgenin aıtty. 

"Men ony aıap turmyn. Biraq mundaı aýyr qylmysy úshin ony keshire almaımyn" dedi sot zalynan shyǵyp bara jatqan kezde Aleksandr Shelıpovtyń jesiri. 

"Biz bul sot otyrysy arqyly Ýkraınaǵa qarsy qylmysty uıymdastyrǵan adamdardyń, árbir qylmyskerdiń jazasyz qalmaıtynyn jetkizgimiz keledi" dep jazdy Ýkraınanyń bas prokýrory Irına Venedıktova óziniń twitter paraqshasynda

Ýkraına búginge deıin Reseı tarapynan 10 myńnan astam áskerı qylmys jasalǵanyn anyqtaǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir