• USD 468.56

  • EUR 497.56

  • RUB 7.3

  • CNY 67.18

29 Naýryz, 17:02:31
Almaty
+35°
Eńbek jáne halyqty áleýmettik qorǵaý mınıstrligi elektrondyq eńbek bırjasyna jasaǵan saraptama negizinde burǵylaýshylar men IT salasynyń mamandary joǵary jalaqy alatyny anyqtalǵanyn habarlady.
 
 
"Sáýir aıynyń qorytyndysy boıynsha burǵylaý eritindileri jónindegi ınjenerler men IT salasynyń mamandary (orta eseppen – 1,7 mln teńge), basshylar men top-menedjerler (~1 mln teńge) pozısııalaryna úmitkerler, sondaı-aq basqa da joǵary bilikti tehnıkalyq mamandar (~800 myń teńge) eń joǵary jalaqy alady dep kútiledi. Sonymen qatar jumys berýshiler eń úlken jalaqyny memlekettik jáne korporatıvtik sektor basshylaryna (~900 myń teńge), bas qurylysshylarǵa (~840 myń teńge), maklerlerge (~700 myń teńge), bıznes-taldaýshylar men qosymsha ázirleýshilerge (~700 myń teńge) usynýǵa daıyn. Eń tómengi jalaqy kúzetshilerge, júrgizýshilerge, muǵalimderge jáne t. b. usynylady" delingen mınıstrlik aqparatynda.
 
 
2022 jylǵy sáýirde Elektrondyq eńbek bırjasynda 91,3 myń bos jumys orny jáne 59,5 myń túıindeme ornalastyrylǵan. О́tken aımen salystyrǵanda bos oryndar sany 26%-ǵa, al ózekti túıindemeler sany 22%-ǵa ósken.

"Suranysqa ıe úsh mamandyqtyń qataryna dástúrli túrde kólik júrgizýshileri (4,6 myń bos jumys orny), qurylys jáne montajdaý jumystarynyń sheberleri (1,7 myń bos jumys orny) jáne qaptaýshylar (1,3 myń bos jumys orny) kiredi. Kúzetshilerge, júk tıeýshilerge, medısına qyzmetkerlerine, tárbıeshiler men olardyń kómekshilerine de suranys joǵary. О́tken aıda qosalqy jumysshylar, biliktiligi joq jumysshylar jáne eldi mekenderdi abattandyrý boıynsha jumysshylar arasynda jumys orny úshin básekelestik artty. Sany boıynsha kóp mamandardyń qataryna zańgerler (535 túıindemege), qazandyq operatorlary (443 túıindeme), vahterler (676 túıindemege) jáne kógaldandyrý jónindegi jumysshylar (306 túıindemege) kirdi" delingen taratylǵan aqparatta.

"Qamshy" silteıdi
Ilmek sózder: jalaqy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir