Arystanbek Muhamedıuly qaıtys bolǵany týraly aqparat teriske shyǵaryldy

Ulttyq mýzeıdiń baspasóz hatshysy Aıdar Qyryqbaı mýzeı dırektory "Arystanbek Muhamedıuly qaıtys boldy" degen aqparatty teriske shyǵardy.

"Jalǵan aqparat jarǵa jyǵady. Búgin tańerteńnen beri "Arystanbek Muhamedıuly ómir ozdy" degen jalǵan aqparattar men alypqashpa habarlandyrýlar keńinen taratylyp jatyr. Bul aqparattardyń shyndyqqa janaspaıtynyn habarlaı otyryp, jeke tulǵanyń ómiri jaıly jalǵan málimet taratý, buqara halyqqa teris oı salýǵa áreket etý qylmystyq jaýapkershilikke ákep soǵatynyn eskertemiz. Qurmetti dostar! Feık akkaýntpen áleýmettik jelilerde jalǵan aqparat taratpaýǵa, tek resmı derek kózderine senýge shaqyramyz" dedi ol áleýmettik jelidegi paraqshasynda.

 

 

 

Posmotret etý pýblıkasııý v Instagram

 

 

 

Pýblıkasııa ot Aidar Kyrykbaıýly (@aidar_kk)

Keshe Cybaılas jemqorlyqqa qarsy qyzmet Arystanbek Muhamedıulyna qatysty tergeý júrgizip jatqany týraly aqparat shyqqan. Uzamaı Arystanbek Muhamedıulynyń prezıdentke joldaǵan beıneúndeýi jarııalandy. Úndeýde ol ózine qatysty tekseris negizsiz júrip jatqanyn jetkizip, prezıdentten tekseristi toqtatýǵa yqpal etýdi suraǵan. Sol arqyly tergeý týraly aqparatty janama túrde rastaǵan. Artynsha sybaılas jemqorlyqqa qarsy qyzmet "Altyn adamnyń álem mýzeılerine sherýi" halyqaralyq kórmesin ótkizýde memleket qarjysyn jymqyrǵan degen kúdikpen mýzeı basshylyǵy tergelip jatqanyn resmı habarlady. Biraq Arystanbek Muhamedıulynyń atyn tikeleı atamady. Osy oqıǵalardyń arasynda Arystanbek Muhamedıuly ózine qol salmaq bolyp, tamyryn kesipti-mys degen áńgime tarady. Biraq aqparat rastalǵan joq.