• USD 476.43

  • EUR 479.86

  • RUB 8.07

  • CNY 70

19 Tamyz, 20:37:44
Almaty
+19°

Qazaq, sen saıasatty jaqsy kórmeısiń be? Munyńyz durys deıik. Biraq saıasattyń sizdi qorlaýyna jol bermeńiz. Umytpa, eger búgin únsiz qalsań (máselen, saılaýǵa, sherýge qatyspaı, Konstıtýsııaǵa engiziletin túzetýlerdi talqylaýǵa barmasań) onda búgingi enjarlyǵyń erteń balalaryńa tikeleı áser etedi. Bul týraly pýblısıst Bıgeldi  Ǵabdýllın facebooktegi paraqshasynda jazdy, dep habarlaıdy Almaty-akshamy.kz.

Pýblısıstiń jazýynsha, qazaq halqy bolashaǵyna alańdaýshylyq bildirgenimen, ony jaqsartýǵa esh talpynys jasamaıdy.

«Bizdiń halyqqa tań qalamyn. Biz qıyn taǵdyrymyzǵa shaǵymdanǵandy jaqsy kóremiz, nashar turamyz, bılik qarapaıym halyqty oılamaıdy dep kóp aıtamyz. Sóıte tura, halqymyz aınalamyzda bolyp jatqan barlyq nárselerge nemquraıly qaraıdy, qoǵamdyq ómirge aralaspaıdy, bılikke yqpal etip, taǵdyrymyzdy jaqsy jaqqa ózgertý múmkindigi týǵanda qoǵamdyq ómirge aralaspaıdy. Uzaqqa barmaı-aq qoıaıyq, tipti turǵyndardyń jınalysynda olardyń basyn qosý qıyn, al úlken ári mańyzdy naýqandar týraly ne aıtýǵa bolady?» - dep jazdy B.Ǵabdýllın.

Onyń oıynsha, sońǵy jyldary halyqtyń saıası belsendiligi tómendep ketken. Oǵan sońǵy kezde, ásirese, Almaty qalasynda, ótken saılaý sharalary dálel bola alady, - dedi ol.

«Muny nemen túsindiremiz? Bul, eń aldymen, eldegi saıası ómirdiń birshama toqyraýǵa túsýimen baılanysty. О́ıtkeni, bizde sońǵy 15-20 jylda naqty saıasat bolǵan joq. Tek, 2022 jyly qandy qańtardyń kelýimen elde sherýler men oppozısııanyń aksııalary óte bastady. Onyń ózi shamaly. Ekinshiden, halyqtyń enjarlyǵy bizdiń halyqtyń basym kópshiliginiń saıası saýatsyzdyǵymen túsindiriledi. Eger senbeseńiz, joǵary bilimi bar kez kelgen turǵynnan, majorıtarlyq saılaý júıesi men proporsıonaldy saılaýdyń ereksheligin surap kórińiz. Sóz berem, 10 adamnyń 8-i durys jaýap bere almaıdy. Onyń basty sebebi – bizdiń álsiz memlekettik telearnalarymyzda jatyr. Olarda ne kórsetiledi? Onda jappaı oıyn-saýyq sıpatyndaǵy baǵdarlamalar, odan ózge túrli turmystyq máseleler men jeke adamdardyń máselesine qatysty baǵdarlamalar. (KTK - oǵan jaqsy mysal), - dep jazdy ol.

Sonymen qatar ol halyq enjar bolǵan saıyn, bılik belsendi bola túsetini tabıǵı zańdylyq ekenin jetkizdi.

«Qańtar oqıǵasy halyq sanasyna ózgeris engizgeni sózsiz. Biraq qanshalyqty? Bul suraqtyń jaýaby 5 maýsymda ótetin referendýmda belgili bolady», - dep jazdy B.Ǵabdýllın.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir