Aqjarqyn Turlybaıdy Qazaqstanǵa beredi dep kútip otyrmyz – advokat

Qytaıda ómir boıyna bas bostandyǵynan aıyrý jazasyna kesilgen Qazaqstan azamaty Aqjarqyn Turlybaıdy Qazaqstanǵa berýi múmkin. Bul týraly onyń advokaty Suńqar Nurmaǵambetov facebook paraqshasynda jazdy.

"2014 jyly Gýanchjoý áýejaıynda Aqjarqyn Turlybaı ustaldy. Sol jyly Hoshımın qalasynda rostovtyq Marııa Dapırka qamaýǵa alyndy. Ortaazııa aımaqtyq aqparattyq koordınasııalyq ortalyǵy qyzdardy nıgerııalyq esirtki tobynyń qurbany bolǵan dep tanyǵan.Ekeýi de ómir boıyna sottalǵan. Aqjarqyn Turlybaıdy Qazaqstanǵa beredi dep kútip otyrmyz" dep jazdy Nurmaǵambetov.

Aqjarqyn Turlybaı 2014 jyly 3 naýryzda Gýanchjoý áýejaıynda esirtki zattaryn tasymaldaýmen aınalysty degen kútikpen ustalyp, 2015 jyly 15 maýsymda Qytaıda ómir boıyna bas bostandyǵynan aıyrý jazasyna kesilgen. Jaqyndary men qorǵaýshysy jáne Qazaqstan Syrtqy ister mınıstrligi 8 jyldan beri Aqjarqyndy Qazaqstanǵa ekstradıtasııalaýǵa qol jetkize almaı keledi.