• USD 470.9

  • EUR 496.94

  • RUB 8.83

  • CNY 70.33

25 Maýsym, 05:01:29
Almaty
+15°
Búgin jeńildetilgen avtonesıeleý baǵdarlamasy iske qosylýy kerek bolǵan, alaıda bankter bólingen qarajat shottaryna túspegenin málim etip otyr.
 
Al avtosalondarda uzyn-sonar kezek. Satylatyn kólik joq.
 
Informburo.kz saıty ForteBank pen SentrKredıt bank baǵdarlama qarajaty shottaryna túspegenin, ázirge ótinim qabyldanbaıtynyn habarlaǵanyn jazdy.
 
Belgili bolǵandaı, buryn jeńildetilgen avtonesıeleý baǵdarlamasy boıynsha kezekte turǵandar jańa baǵdarlamaǵa ótinimdi qaıtadan tapsyrady, kezek jańadan túziledi.
 
Inbusiness.kz saıtynyń jazýynsha, Nur-Sultan men Almatydaǵy avtosalondarda kólik joq, satý menedjerleri jańa kólikter 3-4 aıda keletinin aıtqan.
 
El ishinde jıi kóterilip júrgen jeńildetilgen avtonesıe baǵdarlamasyn bılik qańtar oqıǵasynan keıin qaıta jandandyrǵan. Atalǵan maqsatqa 100 mlrd teńge jumsalady dep kútilip otyr.

Baǵdarlama sharttary tómendegideı:

  • syıaqy mólsherlemesi: 4%;
  • nesıelendirý somasy: 10 mln teńgeden artyq emes;
  • qarjylandyrý merzimi: 7 jyldan artyq emes;
  • bastapqy jarna: 0 % bastap;
  • kólik quralynyń quny: 15 mln teńgeden aspaıdy.

Avtonesıeni ekinshi deńgeıdegi bankter beretin bolady.

Áleýmettik jeli qoldanýshylary baǵdarlama jandanatyny týraly aqparat shyǵysymen jańa kólikterdiń baǵasy aıtyrlyqtaı qymbattaǵanyn jıi jazady.

"Qamshy" silteıdi
Ilmek sózder: avtonesıe

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir