• USD 468.56

  • EUR 497.56

  • RUB 7.3

  • CNY 67.18

29 Naýryz, 09:03:58
Almaty
+35°
Qazaqstan Respýblıkasynyń aýmaǵyna buryn turǵan jáne qaıta kelgen etnıkalyq qazaqtar eGov.kz portalynda qandas mártebesin alýǵa nemese ony uzartýǵa ótinim bere alady. Bul týraly "Ulttyq aqparattyq tehnologııalar" aksıonerlik qoǵamy málim etti. 

"Endi eGov.kz portalynda paıdalanýshy ózine, sondaı-aq otbasynyń barlyq múshelerine atalǵan qyzmetke onlaın tapsyrys bere alady. Qyzmet jeke tulǵalarǵa tegin kórsetiledi. Paıdalanýshylarǵa qoıylatyn mindetti talaptar  JSN jáne ESQ bolýy. Qyzmetti qoldaný úshin paıdalanýshy "Elektrondyq úkimet" (eGov.kz) portalynda qandas mártebesin berý nemese uzartý qyzmetin tańdaıdy. Tańdalǵan qyzmet túrine sáıkes, paıdalanýshy mártebesin alý úshin QR Eńbek jáne halyqty áleýmettik qorǵaý mınıstrligi aqparattyq júıesi arqyly tekserý júzege asyrylatyn bolady. Barlyq mindetti joldardy toltyryp, suratylǵan qujattardy qosa tirkeý qajet" delingen aqparattyq habarlamada.

 

О́tinim bergen kezde paıdalanýshy qandas mártebesin berý nemese uzartý qajet otbasy músheleri boıynsha málimetterdi toltyra alady. Otbasy músheleriniń sanyna shekteý joq. Budan ári qol qoıýdyń qoljetimdi ádisteriniń birimen ótinimge qol qoıý qajet.

Qyzmet kórsetý nátıjesi retinde qandas kýáligi beriledi nemese jergilikti atqarýshy organnyń qandas mártebesin uzartý týraly sheshimi shyǵady. Birnárse durys bolmaǵan jaǵdaıda paıdalanýshynyń "jeke kabınetine" memlekettik qyzmet kórsetýden bas tartý týraly habarlama keledi. Memlekettik qyzmetti qaraý 4 jumys kúnin alady.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir