Foto:Informburo.kz
Onyń aıtýynsha, 21 sáýir kúni Naýryzbaı aýdany polısııa basqarmasyna jábirlenýshi balanyń ákesi balasyn zorlaǵanyn aıtyp aryzdanǵan. Aryz qylmystyq kodekstiń 121-baby (Seksýaldyq sıpattaǵy zorlyq-zombylyq áreketteri) boıynsha tirkelgen.
Rýstam Ábdirahmanov qazirgi ýaqytta tıisti saraptama taǵaıyndalyp, qajetti tergeý áreketteri bastalǵanyn, prosessýaldyq prokýror belgilenip, tergeý barysy qadaǵalanyp otyrǵanyn jetkizdi.
Alaıda zorlyq-zombylyqqa qarsy "NeMolchıKZ" qorynyń negizin qalaýshy Dına Smaılova is bir orynda turǵanyn aıtyp, prezıdente úndeý joldady.
"Zorlaýshylar men olardyń ata-analary bostandyqta júr. Oqýshylary jaýapkershilikke tartylmaǵan. Polısııa qımyldamaı otyr" degen ol kúdiktilerdiń birimen ǵana kózbe-kóz bettestirý bolǵanyn jetkizdi.
Sózinshe, kúdiktiler úsheý, bári 7-synyp oqýshylary.
Oqıǵa Almatydaǵy jekemenshik "Mariam" mektebinde bolǵan. Zorlyq kórgen balanyń ákesi birneshe aı buryn balasy mektepten basy men aıaǵy kógerip kelgenin baıqaǵan. Mekteptegilerden suraǵanynda olar mán-jaıdy túsindirmegen. Al sáýirde ulyn zorlaǵanyn bilgen. Uly zorlaý faktisi 10-12 ret bolǵanyn, zorlaýshylardyń úsheý ekenin aıtqan. Jábirlenýshi mektep dırektory jaǵdaı týraly til qatpaı otyr deıdi.
Bilim jáne ǵylym mınıstrligi atalǵan derek boıynsha tekseris bastaǵanyn málim etti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir