• USD 431.41

  • EUR 452.94

  • RUB 6.92

  • CNY 63.83

20 Mamyr, 10:37:14
Almaty
+20°

Foto: Inga Imanbaıdyń Facebook paraqshasynan

Demokratııalyq partııa bastamashyl tobynyń jetekshisi Janbolat Mamaıdy qamaý merzimi taǵy uzartyldy. Bul týraly belsendiniń zaıyby Inga Imanbaı málim etti.

"Sot Janbolat Mamaıdyń túrmede qamalýyn taǵy bir aıǵa sozdy. Jańa sot qaýlysy boıynsha endi Zhanbolat Mamay 12 maýsymǵa deıin túrmede otyrady. Bul árıne saıası qysym! Janbolattyń túrmede otyratyndaı esh jazyǵy joq" dep jazdy Inga Imanbaı Facebook paraqshasynda.

Sondaı-aq ol erteń Almatydaǵy Shoqan Ýálıhanov atyndaǵy alańǵa Janbolattyń, basqa da saıası tutqyndardyń bostandyǵyn talap etip mıtıngke shyǵatyndaryn jetkizdi.

Sońǵy ýaqytta "Dempartııa" jaqtastaryn ańdý, qamaý, aıyppul salý áreketteri jıilegen. Osyǵan deıin Meıirhan Jolaev pen Arýjan Dúısebaeva "beıbit jıyn ótkizý tártibin buzdy" degen aıyppen 15 táýlikke qamalsa, birneshe belsendige aıyppul salynǵan.

Belsendiler muny bıliktiń 7 mamyr kúngi mıtıngke shyǵarmaýǵa tyrysý áreketi dep baǵalaıdy.

Qoǵam belsendisi Janbolat Mamaı aqpan aıynan beri qamaýda otyr. Ol aldymen qańtar oqıǵasy qurbandaryna arnalǵan qaraly mıtıngti uıymdastyrǵany úshin 15 táýlikke, artynsha eki qylmystyq is boıynsha eki aıǵa qamaýǵa alynǵan. Oǵan  "qarabet" degeni úshin quqyqqorǵaý organy qyzmetkerin qorlady, nesıe amnıstııasyna baılanysty "jalǵan aqparat" taratty degen aıyp taǵylyp otyr. Atalǵan aıyptarǵa sáıkes, sot kináli dep tapsa, belsendi 3 jylǵa bas bostandyǵynan aıyrylýy múmkin.

Janbolat Mamaıdyń jaqtastary men adam quqyǵy salasyndaǵy bedeldi halyqaralyq Human Rights Watch jáne Amnesty International uıymdary belsendini qýdalaýdyń saıası astary bar ekenin aıtady.

 

"Qamshy" silteıdi
Ilmek sózder: Janbolat Mamaı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir