– Geosaıası turaqsyzdyq, jańa syn-tegeýrinder men qaýip-qaterler jaǵdaıynda biz ulttyq múddemizdi qorǵaýǵa, memleketimizdiń egemendigi men aýmaqtyq tutastyǵyn saqtaýǵa daıyn bolýymyz kerek. Sondyqtan qorǵanys áleýetin nyǵaıtý árdaıym bizdiń mańyzdy basymdyǵymyz bolady, – dedi Qasym-Jomart Toqaev.
Q.Toqaev kúshtik organdarda qyzmet etýdiń abyroıly mıssııa jáne úlken jaýapkershilik ekenin atap ótti. Onyń aıtýynsha, Qazaqstan Qarýly kúshteriniń sarbazdary men sardarlary ózderiniń eptilikteri men qabiletterin turaqty túrde shyńdaı otyryp, ozyq jaýyngerlik sheberlikterin kórsetip keledi.
Qasym-Jomart Toqaev jıyn barysynda qos mergen Tóleýǵalı Ábdibekov pen Ybyraıym Súleımenovke, kapıtan Aleksandr Nesmııanovke qaza bolǵannan keıin búgin "Halyq qaharmany" ataǵyn berdi. Saltanatty is-sharaǵa qatysqan Tóleýǵalı Ábdibekov pen Ybyraıym Súleımenovtiń týystaryna Halyq qaharmanynyń erekshelik belgisi "Altyn juldyz" ben "Otan" ordeni tabystalsa, Aleksandr Nesmııanovtyń nagradasy mýzeı tórinen oryn alady.
Pikir qaldyrý
pikir