Foto: AFP
Reseıdiń Qara teńizdegi "Moskva" soǵys kemesin sýǵa batyrý úshin AQSh Ýkraınaǵa kómektesken. "Vashıngton Kıevke barlaý málimetterin berdi" dep habarlady VVS.
Aty-jónin atamaǵan sheneýnikterdiń aıtýynsha, Ýkraına AQSh-tan Odessanyń ońtústigine qaraı júzip bara jatqan keme týraly suraǵan. AQSh ol "Moskva" kemesi ekenin aıtyp, onyń ornalasqan jerin rastaýǵa kómektesken. Sodan keıin Ýkraına oǵan eki zymyran atqan.
Aqparatqa baılanysty Pentagon túsinikteme bergen joq. Biraq Pentagonnyń baspasóz hatshysy AQSh Ýkraınaǵa ózin qorǵaýǵa kómektesý úshin barlaý aqparatyn bergenin atap ótti.
Buqaralyq aqparat quraldarynda keltirilgen aty-jónin atamaǵan amerıkalyq sheneýnikterdiń sózinshe, AQSh Ýkraınaǵa "Moskvanyń" ornalasqan jerin anyqtaýǵa kómekteskenimen, keme nysanaǵa alynatynyn bilmegen.
Reseıdiń 510 ekıpajy bar áskerı kemesiniń sýǵa batýy úlken sımvoldyq mánge ıe bolyp, orys kúshterine áskerı soqqy retinde áser etken.
Buǵan deıin Nıý-Iork Taıms gazeti "Reseıdiń joǵary laýazymdy generaldarynyń soǵys alańyndaǵy oryndary týraly málimetterdi Kıevke AQSh barlaýy berip otyr" degen aqparat taratqan. Pentagonnyń baspasóz hatshysy Djon Kırbı ony joqqa shyǵarǵan.
Aq úıdiń Ulttyq qaýipsizdik keńesi de AQSh Ýkraınaǵa joǵary laýazymdy reseılik ofıserlerdi nysanaǵa alýǵa kómekteskenin joqqa shyǵardy.
"Biz reseılik generaldardy óltirý nıetimen barlaý málimetterin bermeımiz" dedi Aq úı ulttyq qaýipsizdik keńesiniń baspasóz hatshysy Adrıen Ýotson.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir