• USD 431.41

  • EUR 452.94

  • RUB 6.92

  • CNY 63.83

20 Mamyr, 09:48:24
Almaty
+18°

«AMANAT» partııasynyń baspasóz qyzmeti

«AMANAT» tóraǵasy Erlan Qoshanov beınekonferensııa baılanysy arqyly Konstıtýsııaǵa ózgerister men tolyqtyrýlar engizý jónindegi referendýmdy qoldaý úshin partııanyń respýblıkalyq shtabynyń alǵashqy jıynyn ótkizdi, dep habarlady partııanyń baspasóz qyzmeti.

Jıyn barysynda Erlan Qoshanov prezıdenttiń jalpyulttyq referendým ótkizý bastamasyn qoldaý jónindegi «AMANAT» partııasynyń málimdemesin jarııalady.

«AMANAT» partııasynyń baspasóz qyzmeti

«Prezıdent Qazaqstan halqyna jarııalaǵan bıylǵy joldaýynda aýqymdy saıası reformalar usyndy. Bul reformalardyń maqsaty – halyqtyń ál-aýqatyn arttyrý, sýperprezıdenttik basqarý formasynan parlament pen máslıhattardyń róli kúsheıgen saıası júıege kóshý, demokratııalyq prosester qarqynyn údetý, eldegi birlik pen yntymaqty arttyrý», - delingen málimdemede.

Partııa tóraǵasy aýqymdy reformalar saılaý, partııalyq jáne sot-quqyqtyq júıesin, aýmaqtyq-terrıtorııalyq qurylymy men memlekettik bıliktiń bóliný prınsıpin túbegeıli ózgertetinin atap ótti.

– Bul – Ekinshi Respýblıkanyń saıası irgetasy. Prezıdenttiń osy tarıhı sheshimderi – jańa ári ádiletti Qazaqstan qurý jolynda jasalǵan iri qadam. Munyń barlyǵy saıası básekelestikti kúsheıtýge jol ashyp, Qazaqstan azamattaryna jańa ári teń múmkindikter beredi. Memleket basshysy usynǵan keshendi reformalardy júzege asyrý úshin Konstıtýsııaǵa 33 ózgeris pen tolyqtyrý engizý qajet. Atalǵan ózgeristerdi quqyqtyq turǵyda bekitý úshin prezıdent respýblıkalyq referendým ótkizýdi usyndy. Konstıtýsııany jalpyhalyqtyq daýys berý arqyly ózgertý – «memlekettik bıliktiń birden-bir qaınar kózi – halyq» degen prınsıptiń is júzinde oryndalýynyń aıǵaǵy. «AMANAT» partııasy konstıtýsııalyq reformanyń mańyzdylyǵyn tereń túsine otyryp, aldaǵy referendýmdy ótkizýdi tolyq qoldaıdy!, – dedi Erlan Qoshanov.

Onyń aıtýynsha, búkilhalyqtyq referendým memlekettiń naqty ózgeristerge bet burǵanyn kórsetip otyr, sondyqtan partııa barlyq kúsh-jigerin konstıtýsııalyq reformany qoǵamdyq qoldaýdy uıymdastyrýǵa baǵyttaýǵa daıyn.

Aqparattyq-túsindirý jumystary men is-sharalardy uıymdastyrý úshin partııa respýblıkalyq jáne 17 óńirlik shtab qurdy. Olardyń quramyna ortalyqtaǵy jáne óńirlerdegi «AMANAT» aktıvteri kirdi. Bul jumysqa Parlament pen máslıhattardaǵy fraksııa depýtattary, zııaly qaýym ókilderi, mádenıet pen sport qaıratkerleri, jastar qanaty men óńirlerdegi fılıaldar atsalysady. Partııa músheleri óńirlerde jáne shalǵaı eldi mekenderde saılaýshylarmen kezdesedi.

«AMANAT» partııasynyń baspasóz qyzmeti

– Memleket basshysy usynǵan reforma – Qazaqstannyń strategııalyq bolashaǵyn aıqyndaıtyn bastama. Biz ashyq, órkendegen, zań ústemdik etetin, teńdik ornaǵan qoǵam qurýdy kózdep otyrmyz. Prezıdent pen halyqtyń maqsaty ortaq, kózdegeni bir. Sol sebepti referendýmǵa qatysý – barlyǵymyzǵa ortaq borysh! El taǵdyryn aıqyndaıtyn osynaý mańyzdy kezeńde eshkim shet qalmaýǵa jáne tarıhı tańdaý jasaýǵa tıis. Egemen elimizdiń erteńi – halyqtyń qolynda!, – dedi Erlan Qoshanov.

Jıyn barysynda shtabtardyń jumysyn joǵary deńgeıde uıymdastyrýǵa qatysty birqatar naqty tapsyrma berildi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir