– 27 jyl buryn ótkizilgen referendýmda qazirgi Ata zań qabyldandy. Odan keıingi barlyq konstıtýsııalyq reforma parlamentte maquldandy. Negizinde, bul zańdy qalyptasqan tájirıbe. Biraq damýdyń jańa kezeńinde, Jańa Qazaqstandy qurý jolynda elimiz úshin osyndaı asa mańyzdy sheshimderdi búkil halyq bolyp qabyldaýymyz kerek. Buǵan kámil senemin. Sondyqtan búgin men Konstıtýsııaǵa ózgerister men tolyqtyrýlar engizý úshin 5 maýsymda respýblıkalyq referendým ótkizý týraly Jarlyqqa qol qoıdym, –degen ol konstıtýsııalyq reforma barlyq memlekettik modeldi keshendi túrde ózgertýge baǵyttalǵanyn, túzetýler "sýperprezıdenttik" basqarý úlgisinen yqpaldy parlamenti jáne esep beretin úkimeti bar prezıdenttik respýblıkaǵa túbegeıli kóshýdi kózdeıtinin atap ótti.
05 Mamyr, 2022 NEWS
Foto: Aqorda saıty
Prezıdent Q.Toqaev el konstıtýsııasyna ózgerister men tolyqtyrýlar engizý úshin 5 maýsymda respýblıkalyq referendým ótkizý týraly Jarlyqqa qol qoıǵanyn málim etti.
– Joldaýda aıtylǵan bastamalardyń negizgi maqsaty – saıası júıemizdi túbirimen ózgertý. Bul halyqtyń kóp jylǵy talap-tileginen týyndap otyr. Muny tıimdi júzege asyrý úshin Ata zańymyzǵa ózgerister engizý qajet. Bir sózben aıtqanda, konstıtýsııalyq reforma jasaý kerek. Osyǵan oraı meniń tapsyrmammen arnaýly jumys toby quryldy. Jumys toby Negizgi zańǵa engiziletin ózgerister men tolyqtyrýlardyń jobasyn ázirledi. Ony muqııat zerdelep, Konstıtýsııalyq keńeske joldadyq. Bul organ óz qorytyndysyn usyndy, – dedi prezıdent beıneúndeýinde.
Q.Toqaevtyń aıtýynsha, ata zań baptarynyń úshten biri ózgeredi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir